السلام عليكم ...مداخلة للمتقاعدين " بعنوان لا تحزن وتوكل على الله."
اولا تاكد اخي المتقاعد ان رزقك من عند الله هو من يتكفل برزقك ومتى يرزقك.هناك تذمر كبير من المتقاعدين وغضب بشأن عدم صب المعاش وتسبيقه .نعم اي انسان يتذمر من ذالك وهذا امر طبيعي.
بعض مواقع الفلك العربية تقول ان العيد نهار لخميس .يعني ان شاء الله غدوة يفيريو وتقضو صوالحكم وتفرحو ولادكم ...وعلى هذا انصح اخواني ...:
1- لازم الانسان يدير حسابو ويقضي صوالحو مسبقا في كل شئ.باه ميطيحش في المحضور وخاصة مسالة الاعياد والذراري ..الخ.
2-لازم الانسان يتعامل مع الناس .مع الحانوت ومع الجزار ومع لي يبيع الملابس ويكون جدي في التعامل لان الدين المعاملة ومول التاج ويحتاج ناس كامل راها محتاجة بعضاها .
3-بعد تحيين قانون المعاشات كل واحد ينتشر في الارض ويقتات من اي جهة ...روح تخدم في سوبيرات ...فرود ..عساس ...بيع الخضرة ..بيع الجاج...دير محل صغير المهم لحلال...الزمن راه واعر والدينار راه غير يطيح لازم الانسان يعاون روحو لي قادر طبعا ...والرزاق راه ربي وتوكلو على الله هاذي هي الدنيا مكانش لي راح يعطيك من جيبو.
4-لازم تخدمو البطاقة الذهبية باه تقدرو تجبدو دراهمكم في اي وقت وخلال ايام الجمعة ومن اي ولاية . ويجب عليكم ان تشتركو في موقع ccpلبريد الجزائر وتفعلو رقمكم الهاتفي لتكونو على كل صغيرة وكبيرة تخص معاملاتكم المالية.
المهم يا خاوتي ربي يحفض الجزائر من كل سوء وربي يقدرنا على فعل الخير.