أخت في المنتدى سقساتني على طريقة تنظيمي لورقة الإجابة
حبيت نجاوب في رد هنا باش تكون الإفادة للجميع
باش تكون الورقة شوية منظمة و تخلي المصحح يرتاح أثناء قراءة ماكتب فيها
فمن الافضل أنك تكتب بخط شوية كبير و واضح و مفهوم و تتفادى التشطيب و الخربشة
أيضا خلي سطر بين الجواب و الجواب الذي يليه و سطرين بين التمرين و التمرين اللي بعدو باش يكون تفريق بين الاجوبة و التمارين خاصة في العلوم الطبيعية وين تكون الإجابة شوية طويلة و ثاني باش ماتكونش الكلمات تاعكم كامل و أجوبتكم على شكل كتلة واحدة شغل فقرة
ضع سطرا تحت الجملة الاولى اللي تقولها أثناء الإجابة مثلا " دراسة تغيرات الدالة " هذي سطر تحتها باش يبان الجواب + لا تنس ترتيب الأجوبة و ترقيمها بنفس رقم السؤال يعني اذا رقمهالك 2-ب اكتب انتي ثاني 2-ب ماشي ب وحدو و ماشي 2 وحدو و حافظ على نفس صيغة السؤال
استعمل لغة سليمة و افكار متسلسلة أثناء الإجابة و ماتقفلش تمرين حتى تكون متأكد انك جاوبتو كامل و كيما باغي .
نظن هذا واش كاين بالنسبة لجمالية الورقة
اذا نسيت حاجة ذكروني
نصيحة ثاني بعيدا عن الورقة : كي تفوت تخير موضوع خلاص كمل فيه و ماتقولش كان خيرت الاخر ممكن ندي خير و لا ساهل ، صايي مادامك اخترت فجاوب عليه و كأنو كاين موضوع واحد و أحسن اختيار المواضيع ، و لو تروحلك 45 دقيقة الاولى ، اقراهم مليح و ركز و شوف وين فيهم اللي تقدر تدي فيه مليح و تعرفلو افضل
ربي يوفقكم
و اللي عندو سؤال يتفضل