[اميرة الامواج]

السلام عليكم
نوضي يا اختي نفضي الغبار على روحك
لا مدرتيش العز لروحك حتى واحد ما يعزك .
شوفي واش نقلك كي يجي زوجك المرة الجاية لازم تعيشي معاه كالزوجة لا عزباء
ديري كلش متبقايش تحكيلوا باباك واش دار وماماك واش قالت ....
قيسي عليك الهم ....
اجبدي راجلك ليك يولي هو يحوس يديك
معاه ....
لازم توصلي للجاذبية العظمى .
كي يروح يخدم عيطيلوا وقوليلوا الكلام الحلو والحلو والحلو وفقط ....
اقعدي شهر شهرين وانتي تخدمي بهذي العفسة .....ولا منجحتلكش ارواحي اختي نعطيلك عفسة ودخرة .....ههههه
المهم تكوني صادقة من اعماق قلبك .
ماقتلكش مثلي قتلك حاربي بالكلام الحلو من أجل أن تعيشي في سعادة وهناء.

صدقيني شعال من وحدة قتلها عليها وراجلها هو اللي ولا يحوس يديها معاه .
الراجل كي يكون له جاذبية عظمى نحو زوجته ....والله غيرى حوس على الحل اينما كان وكيفما كان من أجل العيش تحت سقف واحد ....لكن هذا راجع ليك ....تعلمي
اكتشفي ....حوسي .....سقسي .....شوفي
النساء كيفاه يتعاملوا مع ازواجهم....
هذا حلال عليك ....
الناس راهي طير في الهدرة و......و.....
وانتي 3سنوات وانتي مرمدة ؟....

روحي ابداي من درك الشطارة ...
درك عيطي في التليفون وقوليلوا .........
كيما تقول جدتي اقفزي يالجايحة ....ههههه ولكن في رضا الله .

المهم نتمنالك السعادة والهناء وانا غصتيني برك كنت حابة نفيدك أكثر واكثر ولكن للاسف المنتدى مختلط.....

متنسايش ادعيلي برك دعوة الخير .


سلام من قلب يحب السلام