[سر سعادتي..]

الاخوات فادوك بوصفات متنوعة ومتقاربة للسفيرية وانا تقريبا وصفتي مماثلة لكن رح نعطيك 3 نصائح طبقيهم وان شاء الله السفيرية تاعك ماتتحلش ابداااااا فالزيت
، اولا: خليط السفيرية مالازمش يكون جاري يعني مايكونش طرررررري او لين بزاااف لانو هذا هو السبب الاول لي يخلي السفيرية تتحل فالزيت فاذا كنتي تستعملي البيض فالخليط حاولي تضيفي تدريجيا يعني مش الحبة كاملة القليل فقط حتى يبقى المزيج متماسك ايضا الجبن متكثريش بزاف فالخليط تاعك وانتي قلتي انك تستعملي جبن شاف فالمزيج نفس الشيء لانو يطري المزيج اذا كان بكمية كبيرة.
ثانيا: المزيج تاعك لازم يرتاح فالثلاجة مليييح انا كي نحضر السفيرية لما نوجد المزيج نخليه يرتاح نص ساعة فالثلاجة ومن بعد نشكلو ونكورو ووو يجي تشكيلو ساااهل ومايغلبكش وثاني كي ندريلو البيض والفربنة ولاشابلير نزيد نخليه وحد النص ساعة او اكثر فالثلاجة وبعدها باه نقليه وهذ الخطوة مهمة جدا لانها تخلي السفيريةىتتماسك بشكل جيد
ثالثا: باه تضمني انو سفيريتك ماتتحلش فالزيت 100 بال 100 رمديها فالبيض ولاشابلير مرتين كيفاه؟؟؟ شوفي اولا تشكلي الكويرات تاعك عادي ثم تحطيهم اولا فالفرينة ثم البيض ثم لاشابلير بعدها عاودي رمديهم فالبيض ثم لاشابلير مرة اخرى، صدقيني ان شاء الله النتيجة مضمونة وعن تجربة وهذه الخطوة رح تعملك حماية بالاضافة انها تعطيك قشرة خارجية رااائعة وايضا ماتخليش السفيرية تاعك تتشرب الزيت.
اعتذر على الاطالة ان شاء الله تكون الخطوات واضحة واتمنى انك تجربيهم وتنجحي في اعداد الذ سفيرية