اقتباس:
المشاركة الأصلية كتبت بواسطة ~زهرة اللوتس~
مشكورة ختي معليش تقوليلي طريقتك في تنظيم الوقت
ومن اين حفظت المصطلحات والشخصيات لان شخصيات كتاب محمودي عادل الاصفر طويلة
|
العفو اختي
تنظيم الوقت مكانش عندي برنامج محدد ولا المهم نقرأ و نراجع
المواد العلمية طبعا لها حصة الاسد كنت نراجعها بصورة يومية و لازم تنظمي روحك وكراريسك وتكوني ملمة بالدرس كامل راكي في أول العام معناها عندك الوقت وكي تقراي حاجة اقرايها مليحة بمعنى من كل الجوانب وننصحك حلي التمارين بزاااف وادي الأفكار لملاح
و قداه ساعة تقراي في اليوم هذا مش مهم بزاف نشوف بلي كي تقراي ساعة مركزة خير من 10 سوايع وانت مش مركزة ومش منظمة لذا متسمعيش للعباد لي يقولك نقرا 20 ساعة ولا انت ادرى بروحك أهم حاجة انك تقراي وتجتهدي ومتضيعيش الوقت و تقراي بذكاء مش بجهد
صراحة كنت نفضل نسهر انا من نوع لي ابتداء من 11 تاع الليل نولي نركز أكثر ههههه الله غالب والفت ونرقد على 2 ولا
وكنت نرقد لعشية
الحفظ عنده أهمية حاولي تحفظي وتنقصي عليك
المصطلحات والشخصيات حفظت من هشام كمال