[ام شمسو محمد]

المشاركة الأصلية كتبت بواسطة تاج الوقار16

السلام عليكم ورحمة الله وبركاته
انقذووووووووني
هاذي صرخة باش كامل تردو
انا نعترف كنت ميتة من كل الجوانب خاصة بعد موت ولد اختي وحملت موراها قريب اكتابت
الحمد لله فكرت في الخروج مما انا فيه فلم أجد إلا أني تلتحق بيكم بشكل يومي
احس اني بديت نحيا وقلت ذلك بصلاتي وبعض الروتينات
اهم حاجة بديت بيها ضبط وقتي والتحكم في نومي يعني ما يلحقش عليا العصر راقدة وتكره نوض ووووو
الان ورطتي هي الجمال
فقدته تماما
شعري اولا تعمر شيب لدرجة نبان عندي ٦٠ سنة
صدقوني انا وعجوزتي شايبين كيف كيف
خاصة في الامام وشعري قاوي ولكن فرغلي في الامام بسبب الرضاعة
حاليا قصيتو ولا طائر في السما ما يتحكمش والكواف ما يحكمش فيه بسبب الرطوبة زاد فسد شعري كي جيت للعاصمة
فيه لون أصبح يظهر احمر
الان محتاجة نغير اللون ولكني حامل
هل من طريقة لنزع اللون وتدير لي ماش
وهو من طريقة لتنعيمه فتره الحمل
نحتاجكم ضروري يتحسن شعري نرتاح

اهلا بك مجددا اختي تاج الوقار ...

احسن الله عزاءك في فقيدك الغالي ...و بارك لك حملك الغالي ...حبيبتي هذي هي الدنيا و لو فتشتي العالم ماتلقايش بشر خالي من الفقد و الهم و الحزن ...و رزق الله و عوضو موفور ...لذلك نقدرو نعمة رب العالمين حق قدرها و ما نستغرقوش في الاحزان لانو ببساطة العمر قصير و كل يوم يفوت تفوت معاه حياة كاملة تعيشيها لهذا نقولك ماعندكش وقت ماتبقايش في لحظة من اللحظات فاتت ...كل يوم عندك واش تعيشي فيه ...و اسالي الله جميل العوض و السلوى في فقيدك ...ربي وحدو هو اللي يلهمك الخير ...و اما الحزن من الشيطان و يخشى على الانسان انو في هذي الحالة يدخل في ارادة الله و يعترض عليها ...و المؤمن الحق اذا تصبَّر صبَّره الله و اعطاه من فضلو كرامات يسلي بيها قلبو الحزين و اذا رفض و بقى على حزنو يكله الله الى ما وكل نفسه اليه ...لذلك اعرفي طريقك مليح ...ارمي الماضي ورا ظهرك ...و اي شيء مش بامكانك تغيريه انسايه.... انتي فقط ماتفكريش فيه و رب العالمين يتولاك برحمة و يصرف عنك الاحزان ...

و الاكيد انو حل طيب انك فكرتي في الانضمام لرفقة صالحة تعينك على امر دينك و دنياك ...و المدهش في الامر هو انك ملكتي القرار ...و تسيدتي الموقف و ماسمحتيش لاي حاجة توقف في وجهك ...و هذي خطوتك الاولى في طريق الخلاص ماتخليش اي شي يعيقك ...لازم تسترجعي نفسك ماتخليهاش رهينة عند اعداءك ..الشيطان اللي يقذف في قلبك الاحزان ...و الهم و الغم و المصائب ...و هل تخلو الدنيا من كدر ..

و اجد ان خطتك موفقة تماما ..باختيار الصلاة كنقطة بداية للخلاص ...و نعم الاختيار ...فقط اثبتي لا تستسلمي ...اثبتي على الصلاة لوقتها ...هنا نجاتك ...و اذا اردتي برنامجا مفيدا مع انه سهل و بسيط فالتزمي فقط ب ...

* الصلاة على وقتها ....جاهدي نفسك و اكرهيها و اقهريها على هذا الامر ..

* اذكار الصباح ...حصنك من الشيطان و حرزك من اعداء الانس و الجان و امانك من فتن الحياة الدنيا ..احرصي فقط على احضار قلبك ..

* و لو تمكنت من اخضاع نفسك فارغميها على 10 د من تلاوة كتاب الله ..ففيه الانس و السلوى و بستان القلب و ربيع الصدر ...اسالي من ذاق ...و ليس من راى كمن سمع ...

* ثم اجتهدي في اذكار المساء ...و غيبي يومك بالتسبيح و الحمد و التهليل و الذكر ...حتى تلقيه في صحيفة اعمالك ..

و تحري لهذه الاعمال ادبار الصلوات فهذا اوثق في تثبيتها ..

التحكم في الوقت اهم تحدي تواجهيه ...اتخذي القرار ...كوني حازمة ...حددي ساعة النوم ...وروحي ترقدي مهما كان الظرف ...ماتتراجعيش لازم تعدلي ساعتك البيولوجية ...نوضي اول ما يرن المنبه ...استعيني بالله و اذكريه و نوضي على الوقت ...تكوني نلتي كفايتك من النوم وجددتي طاقتك ...انتبهي الى انو وقت استيقاظك ياخذ بالاعتبار صلاة الفجر ...و تمتعي صدقيني بنهار عالي الطاقة و الايجابية ..لانو معظم الخبث اللي نلقاوه في نفوسنا من النوم المتاخر يجي من تضييع الفجر ...لا باس باخذ قيلولة ...و لكن اياك ان تمتد الى العصر فتصبح عيلولة ...اهم شيء الثبات و الانتظام ...

احسنتي في التزامك التدريجي بالروتينات خذي وقتك ...المهم مرة اخرى هو انك تثبتي عليها ..

بالنسبة لازمتك ...ناكدلك بلي كل وحدة فينا عندها ورطة جمالية محددة ...لاصلاح شعرك ديري ماسكات ..نحاول لاحقا نحط البعض باذن الله ...و نتمنى الاخوات كذلك يحطو ...

و لتفتيح لون شعرك او صبغو ...بما انك حامل واحد مايقدر يفتيك ...لازم تستشيري طبيب و لكن على حد علمي الصبغة تضر الجنين ...كاين تلوين طبيعي ...

*استعملي الحنة ..تساهم كذلك في اصلاح شعرك

* كاين البابونج ايضا غلي 150غ من زهور البابونج في نصف لتر من الماء ..صفي و شللي بماء المغلى بعد الشامبوان ...كرري العملية عدة مرات حتى ظهور النتيجة .....

طولت عليك اتمنى لك التوفيق