[ام شمسو محمد]

المشاركة الأصلية كتبت بواسطة ام متين

ام شمسو نهارك طيب انت وكل الفراشات
راني عملت دورة في الامور الي كتبتيها ولقيت روحي ماعلياش كاينة حاجة وحدة فقط هي0/ وهي فرز الغسيل انا مانحبش يبقى القش متسخ في الالة ولكن لما نحيه نحط فيها ولما نجي نغسل نفرز وان شاء الله نبدل الطريقة
بالنسبة للمطبخ مشكلتي اني نحاول نوجد الاكل بسرعة يعني لما نكيب ونطفي نلقى المتعة في الانتهاء وليس في التحضير وراني نحاول نكالمي روحي ونعمل بمتعة
لكن ياريت تبقاي تشجعي فينا وتساندينا وتذكرينا دائما
نهاركم زين وطيب

نهارك صحة و بركة حبيبتي ام متين ...طبعا سؤالي اللي سبق و طرحتو و تفضلتو متكرمين بالاجابة عليه ..كان الهدف منو انو كل وحدة تقيم روتيناتها بدقة و تعطي اجابات تناسبها ...مش بالضرورة تنشرها ...و لكن طرح السؤال كان الهدف انو تحط كل وحدة روحها في الخانة اللي تناسبها و تشوف هل هي متتبعة لنمط الروتينات الموضوع و بالتالي هي المسيطرة و الاعمال تصبح عندها اسهل و الوضع هادئ ام انو العمل المنزلي مازال طاغي عليها و يوترها و يسببلها الازعاج ...

ماكانش عندي ادنى شك حبيبتي ام متين بلي راكي فراشة فائقة واحنا استفدنا كثيرا من تجاربك و خبراتك و لكني اشكرك لانك اعطيتنا تقييما مكتوبا ..

بالنسبة لفرز الغسيل انا كنت نستعمل اسلوبك و لكن خرجتني خير انو نفرزو لحوايج بمجرد نزعهم ...انا الان دايرة سلة للفاتح و سلة للداكن و اخرى للابيض ...و ما نغسلش مع بعضهم كل ماتتملا سلة نغسلها و غدا نغسل الاخرى و هكذا باش مايكثرش عليا التطباق او الكي ....لانو كي يعود القش بزاف يخلغني و نخاف نطويه او نكويه بينما كي يكون قليل مايهونش عليا نخليه يكثر ...

كي تكلمتي على الطياب ذكرتيني بنفسي انا كذلك نطبخ للواجب ولا احب الطبخ لذلك لاالومك ابدا ...لاني بالفعل نحب فقط اللحظة اللي نخلص فيها الطياب و تنظيفاتو ...انا كنت اقصد بشكل عام اطعام اولادنا و الاعتناء بوجباتهم و اوقاتها و نوعيتها و تقديمها ..لانو بامكانك اظهار الكثير من الحب بتقديمك للطعام ..

و انا اطلب منك انت ايضا ان تستمري بتزويدنا بجرعات الطاقة و الايجابية و الحضور الفعال ...شكرا غاليتي ام متين ..