علاش نشمخ الكتان بالماء قبل الخياطة؟ و هذا للاسباب التالية: - لان بعض الاقمشة تشرب و تنقص اما من طول او العرض و خصوصا المصنوعة من القطن التى تكون اغلب لبسنا لها في فصل الصيف - كاين بعض الاقمشة مختلطة الالوان نشمخوها بالخل و الماء باش الالوان متتخلطش تفسخ في بعضها و خصوصا الالوان الغامقة - عندما تشمخيها تظمني ان الروبة تجك قدقد عند ما تغسليها متضياق عليك ما تقصارعليك في الطول #انواع القماش لي يشرب - الشاش - لافبران - شوازات - الكتان تفريبا كل الاقمشة اامصنوعة من القطن و لي تلبس كثرتها في فصل الصيف من اجل الحرارة #نصاءح - قبل ما تدي الكتان للخياطة اغسليه و نشريه و حديه باش تضمني الروبة متساوية في البدن - الكتان لي فيه الالوان شمخيه بالخل و الماء باش الالوان تبقا ثابته متفسخش - اشري الكتان لي يكون الملمس نتاعه خشين شوية باش ميتقطعش خاطرش تعرفي بلي الكتان الرقيقةغسلة و لا زوج يتقطع و الكتان نلبسوه ديما في الدار و انتي عارفة بلي يتسوخ ..يعني ديما تغسليه نحتاج منكم دعوة نتاع خير