القلب تعمر ومحبوبي شق صـــدري
ماصبت دواء ولا طبيب يعالجــــــني
قلـت نروح لاخـــتي نــــــهز ضــري
صبتها مخملة الكابة حالها ولجنـــــــي
منين شافتني عادت بالدمعة تـــهذري
دارت الراس عـــــند الراس ياتمحاني
هي تمسح دموعي وانا كيفها ياصبري
طيـــبنا فنجان قـــــهوة كعوايد زماني
ذاك الحطب والفحم ع اللب يـــــعري
شربنا قهوة مرة ومالهم كاسي ذوقـني
شربت الاول زدت الثاني وما نــدري
ولـــــينا نبكو والدمعة فالـخد تســـني
قاتلي لا تحزني ذا قـــــدرك وقـــدري
بكينا وشكينا وروات الاض منها ومني
وريحنا قلوبنا ضرها مـــــــــن ضري
وصايتي يااختي راحمــــــك يرحمني
والمكتوبة تلحق ولو عقاب عمــــــري
لايهمك يااختي راكي في مومن عيني
نصفى لـــــيك ولو حافـــية نجــــري
جبت القلب منصف ديتو عامر ياغبني
يسقم سعدنا المولى والطلـــبة يبــــري
خاطرك وخاطري يقدا لـباس متهـــني
بقلم فاطمة شلف
مجرد محاولة اختي فاطمة
تقبلي اعتذاري شاعرتنا