البراج توبة جيت رايحة نجرب وصفة ام اماني المرة هذي مي السميد اللي عندي رطب مش متوسط.. ودرت وصفتي 3 كيلات سميد ارطب (تاع الكسرة) + كيلة غير ربع سمن ذايب (درت مرغرين + زبدة ستار) ونكملو الربع بالزيت + ملح (مش كيما نملحو الكسرة) + 1 م ك سكر حكيهم مليح بين يديك وخليه يريح شوي مبعدا اجمعي بالحليب او الماء الدافئ .. اجمعي برك ماتعجنيش.. انا درت نص كاس حليب بسسس نغطيها ونزيدو نخلوها تريح الغرس: كيلة يكون منقي ومرحي + قرفة مرحية + شوي مرغرين وشوي زيت + م ص خميرة حلوى وماء الزهر اعجنيه مليييييييييييح ابسطيه فوق كيس بلاستيكي وزيدي اقسمي العجينة على 2 وابسطي الجزء الاول وحطي الغرس فوقو مبعدا زيدي القسم الثاني وابسطي بالحلال.. السمك يكون متوسط ماديروش كي حالتي سمك رقيق ويجو يابسين.. ونقطع مقروطات