نتمنى انكم تكونو بخير وصحة وعافية ان شالله يارب ......اليوم جبتلكم طريقتي في الشفلور ...بخلطة خاصة بنينة بزاف كنت ....هزتها من وصفات الشاف منا ل العالم ....مند مدة ..واصبحت معتمدتها .....اليكم الطريقة ...ان شاء الله تعجبكم اولا نغلي زهرات الشفلور ..في ماء عادي مع اضافة شوية ملح وشوية كمون حتىى تطهى الزهرات .ونصفيها ونخليها تبرد ثانيا ادا اردت انك تعمليه مع المرق نحضر مرق احمر عادي مع قطعة لحم من الدجاج او الغنم اوكرات اللحم المرحي حسب الرغبةونخليه يطهي وننزع اللحم ونصفي المرق من كل الشوائب ونخليه خاتر شوية تالثا نحضرالخلطة لي قلتلكم عليها وهي في صحن غامق نرحي زوج سنينات ثوم نضيف عليهم زوج بيضات نزيد كاس حليب بارد +كاس فرينة ونضيف التوابل التالية فلفل اكحل ملح وكمون وراس الحانوت وفلفل عكري ومغرف صغيرة هريسة ومغرف كبيرة دبشة ومغرف كبيرة معدنوس ونخلط كل شي مع بعض بالفوي راحة يدوب كلش مع بعض(دوقي الملح باش تعرفي تزدي ولا ماتزيديش )) ممكن ضاعفي الكمية بمضاعفة المقادير طبعا نحط الزيت تاعي يسخن وندخل كل زهرة في الخليط لي حضرناه ونرميها في الزيت تتقلى من كل الجهات ونحطها في الصحن فوق مرق ماص كي تكملي كل الزهرات بالقليان ....عندك اختيارين حبتي تخليه مقلي وتقدميه مع بطاطا فقط او ترمي هادوك الزهرا ت في المرق المحضر من قبل وتخليهم يغلو فيه تقريبا خمس دقائق وطفي وقدميه ......نخليكم مع الصور للتوضيخ اكثر