[Maroua Mona]

المشاركة الأصلية كتبت بواسطة سارة ايروكا

وعليكم السلام ورحمة الله تعالى وبركاته
الله يبارك فيك اختي العزيزة والعاقبة لكي ان شاء الله تفرحينا
اما بالنسبة لاسئلتك سأجيبك
باش توفقي بين الجامعة والبكالوريا اول حاجة لازم تكون عندك هي الارادة والثقة بالنفس وتحطي في بالك بلي الهدف تاعك رح توصليلو
كنت نقرا تخصص بيولوجي العام لي فات وكما هو معروف البرنامج تع الجامعة مايكونش شارجي بزاف فالسنة الاولى حنا الجامعيين عندنا نهار اضافي ليبر يعني نقراو غير 4 ايام فالاسبوع.. باش نكون عادلة بين الجامعة والباك انا ماكنتش ندخل ل les cours فالجامعة بصفة انهم ماهمش اجباريين كنت ندخل عير لل td et tp ..
انا من نحو نظري مانحبش نعتمد على برنامج معين على خاطر نحس روحي مقيدة وومانراجعش على راحتي وعليه نفضل كل مادة كي نجبدها نقراها براحتي وغرضي وكي نكملها بعد مافهمت عناصرها مليح نروح لمادة اخىرى
نصيحة مني فالسيماستر لول تع الجامعة ركزي غير معاها وريفيزي مواد خفاف كيما انا بديت بالرياضيات والفيزيا وكاينة ملاحظة خفيفة : الاجتماعيات ابداي احفظيها بكري على خاطر رح تاخذلك الوقت كي يقرب الباك
كي تجي العطلة وتكوني خررجتي السيماستر لول تاعك على الاقل ب11 ولا 12 تما ننصحك تتفرغي للباك ووتنقصي تركيزك فالجامعة
بالنسبة للمراجع فالمواد العلمية فالفيزيا والرياضيات ركزت فقط على كراساتي تع الدروس الخصوصية وحليت تمارين خارجية مثلا عندك سلسلة هباج وكتاب الزاد فالفيزيا مليح بزززااااف ااما العلوم علييك بكتاب احمد امين خليفة ماكيش ملزومة باش تحلي تمارينو مي برك اقرايهم واقراي الحلول تاعهم وافهميهم مليح بسك معظم الاسئلة تع العلوم فالبكالوريا يقتبسوها من لكتاب هاذاك..وتاني كاين صفحة الاستاذ بو الريش في الفايسبوك bourrich ahmed من هاذو المراجع فيزوج تكتسبي منهجية للاجابة فالعلوم على خاطر انا في باك 2015 ركزت برك على الكراس ديت 12 مي فالباك هذا ركزت على واش قلتلد ديت فيها 17.5
الادب العربي عندك عطلة تع الشتا 15 يوم تقدري تريفيزيها بغرضك و
انا الانجليزية والفرنسية انا خليتهم للسمانة اللخرة

اذا عندك اسئلة اضافية تفضلي براحتك واسئلي

شكرااا على التوضيح جزاك الله كل خيييير