تحية عطرة اخي محمد أردت بعض التصحيح البسيط ارجو ان لا ينقص من قيمة قصيدتك فهي جميلة- والأفضل هو لا تقنطشي لأننا في الملحون نستعمل القنوط ولا نستعمل كلمة الياس لأنها عربية فصحى ومن ذلك قصيدة بن كريو (لا تقنط يا خاطري)
r]لا تقنطشي ياابني من حكم الرب****وهذا أمر الله ما شاء يفعل
ذاملك الاله يفعل واش يحب****ما يردش اقضاه حد الا عول
المومن يكون صابر محتسب****لايقنط من كان عنو متوكل
يستغفر مولاه وإ ليه ايقرب****اللي تصعاب عليه لعلى تسهل
يفرح مولانا برجوع المذنب****يامر لو أبواب التوبة تتحل
كل واحد كيفاش يتخذ سبب****و النية هي الاسبق من العمل
الا حبو مولاه يشرح ليه القلب****و يقدو لراي يربح من لول
كل واحد كيفاه ايجيه المكسب****ذا يسهال عليه رزقو مايتمل
القليل خلاص عنو راه اصعب****البالة وبيوش وخطرات اتزل
ذاك عطاه الجاه وزادو فالمنصب****ولاخر كاسب بردعة من غير بغل
وهذا كثرلو من الفضة وذهب****ولاخر مشتاق فيها راس ابصل
ذا عندو قصور مليانة بعجب****وهذا قربي كي تصب النو يتبل
هذا بالعلوم يقرا و ايجرب****و هذا نور القلب اطفالو واحصل
ذا مكسوبولانعام يعد ويحسب****و عاطيلو فالحرث يحصد ويكيل
وذا طير الشر عندو يفسد و يخرب****وهذا من وراه يصلح و يعدل
ذا مترفه قالمال عليه ايصب****مايعرفش واش يملك ماسول
مايعرف زكاة فالمال امعذب****وهذا خاوي فيه وعليه اموكل
مايعرف ضيف وبيه يمرحب****مايخرج معروف بابو مايتحل
وهذايا معطوب فالصحة يطلب****يسال في مولاه يرجى يتوسل
والمحتاج وليد فحضنو يلعب****يسماط الكانون بلا طفلة وطفل
وارحم ياربي لميمة و الاب****و اللي راه اسلف عنا وارحل
هذا حكمو يابني لا تستعجب****حكمة ربي فالخلايق ما تفعل
]لاتقنط من حكمتو ليه اسبب****واقنع بالمكتوب مهما شفتو قل
[تقنطشي يابني من حكم الرب****وهذا أمر الله ما شاء يفعل
]