[MrBlaugrana05]

المشاركة الأصلية كتبت بواسطة assiremedidi

امر بالالتحاق لمدرسة المدرعات باتنة 15 ماي هذا خويا واش خير ندير الروطار ولا نروح فالوقت واش فهمت ثانيك من حكاية الهاتف الغبي هههه نورمال ميدروش عليه منخبيه ما والو كي نروح واذا تقدر خويا توصينا واش هوما لحوايج لي مليح نديهم معانا واش رايك في المعاملة داخل الثكنة كيما سيرجون واش يخدم وهل التدريب صعب و ما هو برنامج 45 يوم عند اللبس راني سقسيتك كولشي واش راهو في راسي ههههه et merci bien khouya

سقسي وش تحتاج خو أنا نهار راح نمشي ما لقيت حتا واحد ينفعني بمعلومات و الحمد لله اليوم رانا هنا نعاونو خاوتنا بالشي لي نقدرو ان شاء الله

أولا: الروطار انا نقولك دير و ما طولش بزاف "من 20 حتى22_23 ما تفوتش"
ثانيا: الهاتف ان شاء الله نورمال حنا ما نحاولناش و لكن "انا نقلك سيدي و نتا افهم قدري" يعني ما تخبيهش بزاف و ما تبينش بزاف (قبل ما تلبس) أما في حالة لبست خبيه ما تستعملوش وقت التدريب اما وقت الراحة ولا فالليل براحتك
ثالثا: الحوايج ما تكثرش القش لأنكم رايحيين في الصيف (سروال واحد و سيرفاتمو 2 تبدل) سباط واحد يكفي , و ادي ملابس داخليه بالزيادة لأنو ما يكونش عندك وقت باش تغسل و كلش .. ادي غطاء (كوفر لي و درا تتغطاه) لأنو الناموس و البق يلعبو 10 , تقاشر و فراش تاع سباط طري (في حالة لبست الرونجارس يهلكك) ساك طوالات بكلش تاعها’ بشماق (شلاكة), قندورة و مصحف و سجادة , أدوية تاع الراس لادياري بونداج و سبارادرا + دوا لحمر + ادويتك اذا كنت مريض عافاك الله
رابعا: المعاملة قبل ما تلبس راك واحد ما يوصلك افهم قدرك برك, أما في حالة لبست فالتدريب عادة رياضة , اللي تعيي هي طياحة المورال و العقوبات (اسلوب متبع مدروس) لازم دير أعصابك في ثلاجة و اليوم لي يفوت ماهوش راح يرجع + أومبيونص حلوفة :d , المدربين هبلونا 4 اشهر و كي جينا نتميتاو والله كاين لي بكا علينا كاين واحد برك كلب و راح تكتاشفو ان شاء الله
عموما هدي هيا زيد اقرا لي كومونتار تاوعي لقدم في هاذ الموضوع تزيد تهز معلومات و كاش ما تحتاج راني هنا الأخ
أدعيلي للوالدة و الوالد بالشفاء فقط أخي سلام