جبتلكم اليوم وصفة المعكرونة بالقمح الكامل يجي لونها بني نوعا ما مليحة تشبع و صحية و بنينة في نفس الوقت هايليك صورتهالكم 1- في طنيجرة بصة رابي + شومبينيون + ملح + فلفل أسود + فلفل دريس + كمون + م ك زيت زيتون 2- كي يتقلى البصل و شومبينيون حطي الكبدة تزيد تتقلى شويا 3- زيدي حطي 2 طماطم رابي + ثوم + طماطم تاع الباطة + عرف زعيترة + معدنوس 4- كي تتقلى الطماطم مرقي شويا برك و خليها تزيد طيب شويا و طفي عليها 5- في الأثناء كانت المقرون طابت صفيتها و دهنتها بملعقتين زيت زيتون 6- و قدميها بالصحة و الراحة 7- و هذا فرماج تيب توب يتباع 85 دج ناقس ماتياغ غراس (حبة لافاج كيري = 5 حبات تيب توب)