[{ حديث الوجدان }]

المشاركة الأصلية كتبت بواسطة ~ حِـكــآيةُ حُ‘ـلمٍ ♫

اهلا اخي سعيد
كما قلت نحمد الله على كل حال
اممم ، الكلية !!
ولله يا اخي كلية الطب قصتها قصة ، خاصة عندنا في قسنطينة

الدراسة ، ماهيش صعبة بقدر ماراهي مكثفة و دروس كثيرة

زيد العبد دخل جديد مايعرفش حتى واش يقرا في الموديل " راهم 12 "

بصح الحمد لله مع الوقت والفنا ودخصنا على الريتم و ملاك اخيرا ولات تحفظ تحت شعار مجبر اخاك لا بطل ههههه

شكرا لنعمة طبعاا كانت ومازلت سند ليا بمجرد ما نشوفها في الكلية نفرح

بالنسبة للمعدل فبما انو في قسنطينة نخدمو بنظام الثلاثي " على عكس الباقي نظام سداسي " فعندنا 3 سيري

الاولى خرجتها والحمد لله 13,72

مع انو غاضتني بزاف في حوايج تافهين راهو هكاك

بادن الله كي يكمل العام وتفرحونا بالمعدلات انت و ميم وباقي الكوكبة نحكيلكم بالتفصييل الممل ههههههه

كل دعواتي لكم بالتوفيق ^^

أيا الحمد لله مزيدا من التفوق ونستناو 14 ولا 15 في البقية إن شاء الله

هكذا باش نعتمدو منهجيتك العام الجاي لكتبلنا ربي وولينا كيفكم ما شاء الله عليكم

ربي يباركلكم فيما أعطاكم

بالنسبة للتحضير للبكالوريا لست راض أبدا والله الأمر صعب لما تمضي 24/24 في البيت

ملل ولا يوجد حافز للمراجعة لهذا فأنا لا أراجع كثيرا إلا سويعات قليلات

المهم نسال الله التوفيق ..

شكرا مجددا على السؤال

وفقك الله في كلية الطب يلي هبلتنا