البسبوسة قمر 77 نحط كاس و نصف سميد عادي ما شي رطب نصف كاس نواد كوكو رائعة بيه نصف كاس سكر ثلاث ارباع كاس زيت كاس حليب واحد خمارة كيميائية و زيست برتقال و فاني نخلطهم بفرشيطة و نخليها تريح نصف ساعة في هذ الاثناء نخدم الشاربات كاس و نصف ما يغلي كي يغلي مليح نضيفلو كاس و نصف سكر كي يطيب نضيفلو عصير برتقالتين كي تريح نحط نصف العجينة في المول اللي راح تطيب فيه انا السنيوة نتاعي درتلها عبرة و نصف و ندخل السنيوة للفرن عشر دقايق قيس ما تحكم روحها في هذ الاثناء نخدم الكريمة هي فكرة ليزاتي دارتها في مسابقة كي طبقت هذ البسبوسة جات روعة كاس و نصف حليب نصف كاس كريم فريش ثلاث مغارف سكر مغرفين معمرين مايزينة زيست البرتقال و الفاني نخرج البلاتو نصب فيه الكريمة سخونة و نروح للعجينة اللي بقات نضيفلها قليل من الحليب باش تمشيلي كي نصبها فوق الكريمة و ندخلها للفرن كي يحمارو الحواشي نحمرها من فوق و كي يتطيب نفصل بموس الحواش على السنيوة و نسقيها و نخليها تبرد ملييح و بالصحة و الراحة. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ملاحظة: انا نوصل الكريمة للحاشية و تجي شامخة شوفي الصور إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. البنات دخلو الموس على الحواشي كي تطيب و افصلوهم على السنيوة و ديرو السيرو في طاس سقو الفوقاني و مبعد مشو على الحواشي و كي تشرب عاودو مشو على الحواشي طبعا هي سخونة و السيرو بارد راح تشرب كامل هذاك السيرو اللي فيه عصير البرتقال و تجي مشمخة كيما الفوقاني كيما التحتاني و كي تبات ما نحكيلكمش على البنة .