السلام عليكم نتمنى الكل بخير وبصحة جيدة عذرا منكم على التأخييييير ولكن والله والله النات عندي قلييييلة خلاص شحال من مرة نكتب وكل شئ يروح في الريح هاهاهاهاها سامحوني الله يحفظكم اااااي ليكم وصفتي الخاصة بالمسكوتشو لي درته وقتلكم مانيش راضية عليه الوصغة 4 عضام كاس سكر كاس عصير البرتقال فاني نص كاس زيت 2 كسان وربع فرينة ساشي ونص خميرة قشور البرتقال والليمون التحضير بالضراب الكهربائي طاعي العضام مع اليكر جيدا ثم اضيفي عصير البرتقال وانت تضربي ضيفي الزين والفاني بعدخا قسور البرتقال والليمون والفرينة معها الخميرة ورشة الملح مغربلين ادهني المول نتاعك بالزبدة ورشبه بالفرينة صبي العجينة نتاعك وحطبها الطيب ملاحظة لي تحب تضيف الكاكاو تقسم الخليط نتاعها وتضيف 3مغارف كاكاو مغربل وتصبي بالتناوب لك كل الاختيار بعد النضج اسقيها بقليل من عصير البرتقال مذوب فيه مغرف سكر حتى تتشرب وكاين لي ما يحبهاش مشربة بحالي هاهاهاهاها التزييين باه متكونش فرطاسة كي قالتلي الاخت في ردها وتحبي ترضاي على النتيجة نتاعك زينيها التغطية قلاساج بالسكر قلاصي وحليب وعصير البرتقال خلطي الكل جيدا الكثافة حسب الرغبة تحبيه خفيف او ثقيل صبي على وجه الحلوى وخليه يهبط على الجوانب ذري عليه لوز منسا محمر بالصحة والهناء ان شاء الله تجربوها والنتيجة تكون جد مرضية رعوة خييييير منكم تكفيني ولكم بالمثل منها بالتوفيق