اقتباس:
المشاركة الأصلية كتبت بواسطة karim2006
ألعدسات طوريك سوبل من نوع كورنيليا مخلصهم ب 8.000 د ج و في الحقيقة يطولو باش يوجدو .
النظارات درتهم في 2002 بعدها عاودتهم في 2005 بعدها 2009 بعدها 2011 ثم 2015 .
لأسف مكنتش كل عام نسويفي في الطبيب و النقص انا تبانلي في 2010 كنت -6 -10 و 2014 -9 -14
فيما يخص سمك القرنية قاتلي الطبيبة أنو قرنية تاعي سميكة جدا و التفاصيل تلقايها في oct
نعم نزعتهم عند الطبيب العدسات
ليكور فوطون زادو كثرو عليا تعبوني بزاااف
و أحيانا أحس بألم شديد في الجفن ربي يستر ليكونو العروق لحقو ثاني !!!!
تفضلي oct من هنا :
https://www.mediafire.com/download/7g...oct%283%29.rar
|
راك متاكد اخي بلي راهي طوريك
لانو سعرها عندنا اكثر منها بكثير
قولي فيها سهم صغير وكي تحطها في عينك تبلاسي روحها وحدها؟
+
وهل اول مرة درتها ثمثم والفتها او عانيت شوية باش توالفها
+
اه شفت المشكل تاع النقص تاعك وين
الناس لي عندهم ميوبي وراثية لازمهم زيارة على الاقل كل 6 اشهر مي حنا في دزاير نقولو كل عام
كنت تنقص ومتفيقش بروحك والنظارات مهمش يتبعو في النقص وبالتالي ميفيدو ش كليا
+
راني قتلك اخي في اللزيك في الجزائر يحبسو لل 12 وهذيك راهم حالات خاصين جدا الاكثرية يحبسو في 8 والحمد لله لي قالولك انو السمك مليح باش يقدر يعاونك تنقض اليمنى لكن نصيحة ت=شوف عدة طبة كاينني لي يحوسو غير على المال
+
ليكورفلوتون حاول تنساهم بلاك يروحو عليك لانو مرات لما نشغلو بالنا بيهم يزيدو
واذا متنحاولكش لما تشوف طبيب قولو يزيد يشوفهملك
+
الجفن لا علاقة ليه باليكور فلوطون بلاك عندك حساسية
كي تقلب جفنك تلقاه حمورة او لا نورمال
وعينينك تحسهم جافين او لا
وهل يديرلك وخز
+
لا متخافش على عروق العين مدامك عالجت الثقب
هو كي ميتعالجش لي نخافو يكبر ويولي يجبد الشبكية على العروق لكن الحمد لله انت عالجتو وتهنيت منو
+
بالنسبة للاوسيتي عندي وحد الفيشي فيه ليفالار تاع عين صحيحة ظرك نقارلك بينهم
ورايحة نقول للاستاذة تشوفيلي
وان شاء الله خير
ربي يشافيك اخي
والحمد لله انك لحقت لل 25 سنة ظرك تبدا تستابليزالك لاميوبي تاعك وان شاء الله يلقاولك حل ليها سواء بالليزر او العدسة تاع الزرع
فقط حاليا انتبه للنظاراة والعدسة ومتحبش عليهم الطبيب كيما كنت دير
واي نصيحة تحتاجها اخي راني في الخدمة وقت مجا في بالك سوال اسالهولي لي عرفتو نفيدك بيه
ولي معرفتوش نسقسيلك الاساتذة تاعوعي راهماطباء
وبالنسبة للعناوين تاع احسن الاطباء تاع الجزائر وتونس رايحة نمدهملك اخي
وفيها خير انش اء الله