البسملة1 السلام عليكم ورحمة الله تعالى وبركاته حبيباتي هاذو صور القهوة لي درتها بمناسبة نفاسي وتشريف عضو جديد في عائلتي ابنتي الغالية ونور عيني وحياتي وحبيبة قلبي وأمي واختي وصديقتي مريوووووووومة الله يحفظهالي وتقر عيني بيها وبخاوتها يارب نخليكم مع الصور بسم الله ماشاء الله اول حاجة سربينا هاذ لي بوس بوس فيهم حلوى ومعاهم لي سارفيات مطبقين على شكل فستان الفكرة للغالية فهيمة 7 الله يخليها ساعدتني في الأفكار ومبعد حطينا القهوة والحليب والزريييير مع هاذ لي قاطو ونشكر بزاف بزاف حبيبتي مرت خويا وسوووومة على لي قاطووو والتزيييين من افكارها الفحلة الله يحفظلها وليداتها وزوجها يارب وبلا ماننسى كل وحدة من عايلتي وعائلة زوجي عاونوني في القهوة ولي قاطوووو فألف شكر ليكم ومبعد حطينا هاذ لي بورس على شكر روبة فيهم مكسرات وحطيناهم مع التاي والقريوش والدزيريات ومعاهم دي بورس تاع الدراجي بلا ماننسى الزريييييير او الطميييينة لحبايب قلبي ولله الحمد والمنة حبيباتي نشكر كل وحدة في الكوزينة دعاتلي ووقفت معايا وهناتني والله نحبكم يا اغلى رفقة وحبايب يارب احفظلي مريووووومة واجعلها من القانتات الحافظات لفروجهن التقيات العفيفات الشاكرات العابدات الحامدات لله تعالى آمين يارب العالمين اللهم ارحم أمي الغالية واجعل مثواها الجنة يارب