بعد غيبة على المنتدى راني وليت بيديا معمرين خخخخخ ايا رحبوا بيا باش نزيدلكم الكادوات
ان شاء الله كامل تكونوا بخير عواشركم بالصحة والهناء ان شاء الله ادعولي في هذه الأيام المباركة ربي يسهلي زواجي
صابلي بالمعجون
المقادير:
أنا ضاعفت المقادير
250غ مارغرين
150غ سكر ناعم
50غ كوكاو مرحي
100غ مايزينة
3 صفار بيض
قرصة ملح - فانيليا - كيس خميرة كيميائية
400غ فرينة
طريقة التحضير:
في إناء نضع كل المقادير مرة واحدة المارغرين نسير فوقها السكر الناعم
والمايزينة
والكوكاو
الخميرة الفانيليا قرصة الملح والفرينة نخلط جميع المكونات حتى تدخل المارغرين في الفرينة
نرمي صفار البيض ونلم العجينة حتى نتحصل نتحصل على عجينة طرية
نحط العجينة في كيس بلاستيكي نخلوها ترتاح شوية
نبسط العجينة من الأحسن فوق كيس بلاستيكي ونقطعها بالمول
بواسطة فرشاة نمسح سطح الصابلي ببياض البيض ونذر عليه الكوكاو مرحي خشين (أنا نسير الكوكاو الرقيق نضيفو للعجينة والخشين نزين بيه) كان عندي بيستاش مرحي درت نص بيستاش ونص كوكاو
ندخلها الفرن 150° مدة 15د
بعدما نخرجها من الفرن نخليها تبرد ومن بعد نلصقها بالمعجون
هاذ الوصفة رائعة والنتيجة ولا أروع صابلي يذوب فالفم وشكله هايل