[sinda]

المشاركة الأصلية كتبت بواسطة كاميلا

النية تكون من الحماة والبنت ابسط مثال انا دخلت لدار راجلي بنيتي وارغموني على التخلي عنها علاش دخلت نهادي بالهدايا نقضي ليا وليها نطل عليها نروح من داري نخدملها نطيبلها نبعثلا كل شي حتى النزه نديها معانا وانا كنت عروس جديدة نجيبها لداري كانها صديقتي مش ام زوجي وفي الاخير اكتشفت اني لا اساوي شيئ كاين مثل يقولوه في مرضي ونفاسي نعرف عدوي من ناسي مرتين ندخل للسبيطار مرض موت مطل عليا متسقسي قولي هل انا كي بنتها ؟ او هي امي ؟ والمرة الاخيرة ايضا مرضت وفي السبيطار كاني كلب دارله الجرب بعد كل ما صرا ولعل الاغلبية هنا علابالهم بحكاياتي قررت نعاملها معاملة البراني نحترمها ونقوم بيها في داري منوندير واجب في عرس او موت من فوق هكدا خلاص قفلت الباب نحاولي النية رغم عني وتوصلت لنتيجة اللي تعبت فيا ولدتني هي اللي تحبني صح اما اللي متعبتش فيك موحال تحطك كي اللي ولدتها

واله يا أخت كاميلا حالتك كي حالتي أنا عاملتهم قبل ما نروح مقيمتهم نعيطلها ولبناتها وأنا مرضت وسمعت ما سقساتش قلت عادي وكي روحت روحت نية نبان نعرفهم عندي مدة أهلها حاروا قالوا تباني منا بشهادتهم كنت كي نروح ما نخليهاش تقيس حاجة وهي ربي يهديها في وجهي عسل وفي ظهري تطعن حابة تتحكم وكي نروح لدارنا تقلق وكي توحمت داني لدارنا قابضاتوا وتبدل عليا وصلت للطلاق من ثم جبدت روحي مانروحش راني ولدت وما روحتش كي تكون النية راني نولي كيما كنت للأسف النية راحت حتى كي نتلاقاهم قلبي ماشي صافي كي طاحت بيا لقيت والديا ما لقيت حتى واحد ربي يحفظهملي وهوما يلقاوني والباقي ربي يهديهم راهم هوما لي خلاونا نتعوجوا