[~ حراير ~]

السلام عليكم و رحمة الله تعالى و بركاته

كلشي مبروك افتتاح الصفحة الجديدة
اكثر شيئ فرحني في هاد الطبعة هو تسميتها باسم الشيخ عبد الناصر فعلا هو الي يستحق يكون صاحب الهمزة و قائدها فمن الطبعة الاولى كان اكثر عضو ملتزم بالحضور الجاد و النافع فيها رغم انه الحمدلله الديموقراطية دايرة حالة في صفحتنا

مددنا أيدينا برحمتك إلى رحمتك عجبتني مقدمتك كثيرا استاذ و فعلا فهلا انا هاد فاش لاصقة غير في رحمة ربي
فربي يرحمنا برحمته دنيا و اخرة

في انتظار عودة اساتذتنا الكرام و انا نقول كاش ولية تكون قاعدة ترسللهم منها تهنئة بالدخول المدرسي و منها ترسللهم دعوة و توريلهم طريق الهمزة الرابعة ماشاء الله لا قوة الا بالله
ايضا الشيخ حميدي المشرف كون نراسلوه خير درك مع الدخول يكون لاهي و ممكن مايتولهش



فرحت بزاف بزاف بعودة ام باسط و ام سرمد و ام سارة و الاخت مانو والله يا ام باسط غير ديما ندعيلك ربي يهنيك و يباركلك في وقتك فانت مجاهدة في بيتك و فرحت بزاف كي لقيتك جيتي
و الاخت مانو طمنينا وين راكم هاد العام ماتقوليليش بدلتو المدينة ثان انا خليت الوالد يروح وحده السنة كرهنا من الترحال و قعدنا وحدنا ربي يعاوننا و يسخرلنا نفس مومنة توقف معانا اللهم امين

..................
ام الاميرات اولا نقلك قتلتيني بالضحك على ليسطوما لازمك تراسليني و تقوليلي على سر هادين الاسمين العجيبين

بالنسبة للفرونسي من مدة و انا حابة نكملك كلامي لكن صدقيني تعبانة راني نبات مع الموتى نصبح مع الاحياء
بالنسبة للفرونسي قادرة تبداي كيما قتلك من درك

راهم راح يقراو اشياء بسيطة تمنيت لو خليت كراس سلسبيل راني سكانيتهولك الله غالب

يقراو الحروف "ابعي ترتيب الكتاب"
يقراو الحروف ماجيسكيل و مينيسكول يعني يتعلمو يكتبوهم و يقراوهم و املاء عليهم و كلمات بسيطة كيف كيف قراءة و كتابة و املاء

و ايضا كتابة ديطاشي "يعني الحروف مش لاصقين في بعض"
و كتابة كوغسيف "يعني حروف لاصقة"

اذا فهمتيني طبقي مع الحرفين الي راح يقراوهم في الاسبوع الاول اذا مافهمتيش خلي للمغرب و ادخلي للفايس تلقايني باذن الله

بالنسبة لسؤالك : نعم يا اختي انت مكبرة الموضووووووووووووووووووووووووع فوق اللازم راهي لفرونسي تاع الثالثة و حتى الرابعة ساهلة و تقدريلها و تتفوقي فيها انت و اميرتك باذن الله غير هونيها تهون و سهليها تسهال و طبعا الاهم خليك كيما راكي حارصة على قراية بناتك و احتسبي الاجر منها تربحي الاخرة تاعك و منها ربي يعاونك و يزيدك قوة على قوتك