اقتباس:
المشاركة الأصلية كتبت بواسطة amon stiwart
السلام عليكم و رحمة الله و بركاته
أولا اخي اشكرك على الموضوع الرائع جعله الله من ميزان حسناتك
لدي سؤال
ممكن تحدثنا عن الفحص النفسي و البسيكو تقني
لأنني أظن أنه مهم جدا و يمكن الأقصاء بسببه
|
وعليكم السلام ورحمة الله تعالى وبركاته
الفحص النفسي راح يكون شفهي
يسألك لماه حاب تدخل للجيش
أنت خليك متفاعل وماتبداش تكذب
إذا حاب تدخل باه تصرف على داركم فعادي قولوا
إذا حاب على خاطر تحب الجيش وقادر عليها فقولوا
المهم لا تتوتر ..اتنفس مليح ..خلي عينيك في لراك تتكلم معاه وكون واثق من نفسك ومن أي كلمة راهي تخرج
في الجيش مكاش تاع تنزل راسك أو عينيك
ماهيش صعيبة، ماتخليش واحد يخوفك
بالنسبة للبسيكو تقتني هو كتابي
العام الماضي كان عبارة عن مجموعة من الأوراق
أنت تهمك ورقة واحدة فقط
راح تلقى فيها أكثر من 40 جملة أنت راح تكوشي فقط على الاجابة لتلقاها تساعدك وتكون صادقة
هو ليس بالصعب
خذ راحتك وأجب بصدق
وبعد الانتهاء هوما رايحين يخرجوا النتيجة من خلال عملية
العام الماضي ماخرجتش النتيجة في نفس اليوم
هناك بعض الطلبة بعدما لبسوا الكومبا وبداو التدريب وتم استدعائهم لإعادة الاختبار البسيكو تقني
لأن هناك بعض النتائج كانت سلبية إذا صح التعبير
ولهذا تم إعادتها
وهناك حتى لعاودوا مرة أخرى
وايضا قابلوا الطبيب النفسي
المهم لا توتر نفسك وأجب بكل ارياحية
....
الفحص الطبي يكون :
الوزن ، القامة
فحص العظام
النظر
الخصيتين
القلب
....
أي أسئلة اتركها وراح نجاوب عليها إذا قدرت