السلام عليكم جبتلكم وصفة ساهلة وبنييييننة بالخبز البايت تبعو معايا جيبي خبز باقيت وقصيه شرائح سمك 1 سم بشكل مائل وحطيه يتحمر اقعدي معاه كي يتحمر غير شويا ديري الجهة الاخرى علخاطر تم تم يحمار هاهو واجد نحطو على جنب نروحو للخلطة تحتاجي 5 ولا 6 حبات فلفل مشوي ومقطع + كمية من التونة +2 بيضات مسلوقة مقطعة قطع صغيرة+فرماج روج رابي ونخلط الخليط درك نروحو للخبز نحتاج زيت زيتون وبانسو ندهن شوية الوجه تاع شرائح الخبز اصلا ميشربش الزيت هنا عندك 2 اختيارات تحبي تطليها بالفرماج والا ديري كيما درت انا تخلطي الفرماج مع شوي حليب وتدهني شوي برك باش ميبانش الطعم مع الخلطة درك جا دور الخلطة حطيلها على الوجه و زينيها نتمنى تعجبكم جربوها ومتندموش صح فطوركم