السلام عليكم وصح فطوركم واش خباركم مع رمضان؟ ليوم جربت كريم ديسار بالكابريس والكراميل وجاني رووووووعة مالا حبيت نشارككم بيه المقادير: نصف لتر حليب،ملعقة كبيرة سكر،زوج صفار بيض،12 حبة كابريس ،زوج ملاعق كبار مايزينة تخلطي كلشي في كاسرونة ومن بعد حطي الخليط على نار هادية وبقاي تخلطي حتى يثقال الخليط فرغيه في الأكواب وإلى الثلاجة حضري كريمة الشانتيي :حلطي كاس حليب بااااارد مع 5 ملاعق كبار بودرة الشانتيي وطلعيها بالباتور وإلى الثلاجة الكراميل:200 غرام سكر تحطيها على نار هادية حتى كي تصفار زيدي معاها فنجال ماء فيه زوج ملاعق نسكافي وخلطي مليييييييح حتى يتكرمل والطريقة راهي باينة:شانتيي وفوقها الكراميل ملاحظة:حاولي تبردي الكراميل قبل ما تحطيه فوق الشانتتي باش ما تفسدلكش هاد الكمية تعطيك خمس أكواب كيما اللي في الصورة وماتنساونيش من دعائكن في هاد الشهر الكريم تقبل الله من الجميع صالح الأعمال