[رندة نهاد]

رمضان كريم وكل عام وانتم بالف الف خير رب ادخل شهر رمضان علينا وانت راض عنا وابدل همومنا افراح وسيئاتنا حسنات واجعلنا فيه من الفائزين يارب
غبت عليكم فترة كنت مشغولة بالميموار تهنيت منها الحمد لله سوتنيت 14 جوان على 12 / 13 30 ساعة ونص من الغسيل والنشير والمناقشة وبعد مداولات عديدة اسفرت النتائج عن نجاحي بملاحظة trés bien =17 وتحصلي على الماستر ما تتصوروش فرحتي كانت لحظة روووووووووووووووعة خاصة قدام ابي نتفرج في الفيديو ونعاود الحمد لله كانت ايام مميزة حطيت الميموار بالخميس على 16 ونصف وسوتنيت بالاحد جا كل شئ بسرعة منعرف كيفاه تخدم القاطو وعرضت صحباتي المهم بسرعة كاينين الي زعفو مني بصح الله غالب هي هاكا علابالي صرعتكم معايا بحكاويا الله غالب فوضى من اليوم مانزيدش ندكر كلمة ميموار من 14 جوان رجعت حرة خلاصت حكاوي البكتيريا والسطاج اليوم حياة جديدة بلاك راني متاكدة بلي مكانش خير من ايام الدراسة بصح كل وقت ووقتوا وكل حاجة في بلاصتها ان شاء الله يارب نلقى وظيفة حاليا لا افكر بشئ ما علاباليش علاه
اللهم لك الحمد كما ينبغي بجلال وجهك وعظيم سلطانك