السلام عليكم كيف احوالكم ان شاء الله تكونو كامل بخير و عافية شهدت منذ فترة موضوع للاخت الكريمة "وليد مولودية " تطلب فيه كيفية خياطة هاذا الموديل لقد سبق لي و ان خيطت مثله تقريبا ...بنفس الطريقة و كل واحدة واش تبدع الخيط المستعمل هو السوتاج و لازمك لونين ... قندورتي قديمة نوعا ما و لكن اصبح في المحلات انواع كثيرة من السوتاج خيري واش حبيتي اولا لازم تفصلي قندورتك و تكالكي فوقها الموديل ...لازم يتخدم فوق القندورة و موش كيما قالت واحدة من الاخوات يتخيط وحدو و مبعد نلصقوه لالا ....شوفي معي المراحل باش تفهمي هذا "باطرون الرقبة" لازم ترسمي باش يجيك قد بعض و ممكن الظهر ديريها كي الرقبة او تصغري شوية فيها ..راهو فيه لونين و دركا نعتلك في لقماش ان شاء الله تفهمي عليا ...تبعي الخطوات كما في الصورة لازم تخالفي الخيط مرة بالاسود مرة بالوردي ..و انا راني زربت فيه على بيها موش متقون ..انت خدي وقتك و خيطيه بالعقل و تبعي الرشمة باش يجيك متحوف ... ان شاء الله نكون افدتك و كذلك الاخوات ...كاش استفسار اني هنا و من فضلكم كل من استفادت من الشرح تدعي لوليداتي بالنجاح ...شكرا لكم و سلام