[اسمهان79]

السلام عليكم يا اغلى الحبة
مادلان اليوم رووووووووووووووووووووووووووووووووووعة بكل معنى الكلمة
عدلت في الموضوع للإجابة على سؤال
اخت سألتني اذا ممكن نبدل الدقلة بشيء آخر مثل الزبيب نجاوبك اختي بالزبيب رايح يعطيك طعم المادلان العادي لكن بالدقلة طعمو رهيييييييييييييييب
راااااااائع بكل معنى الكلمة ولما كليتو في اليوم الثاني جا ألذ والذ والله على ما أقول شهيد










جربوه وان شاء الله ما تندموش ورايح يعجبكم اكيد
المقادير



200 غ فرينة
70 غ زبدة ستار ذايبة وباردة
1 خميرة الحلويات
1 م ص فاني
ذرة ملح
2 بيضات بحرارة الغرفة
1 م ص بيكاربونات
170غ سكر البني او سكر عادي انا استعملت البني لانو يمد للكيك والحلويات طعم خاص
كاس ماء
وحبات دقلة طرية حوالي 20 حبة
التحضير
اول شيئ نقطع الدقلة قطع صغار ونحطها في طاوة مع كاس ماء


نحطها على النار تغلي ولما يقرب الماء ينشف نزيدلها 1 م ص بيكاربونات ونخلط حتى تنشف
تصبح بهاذ الشكل ندعها تبرد



نخلط بالباتور مليح السكر والبيض ومهم البيض يكون بحرارة الغرفة
نضيف الدقلة والزبدة الذايبة ونخلط



ثم الفرينة والملح والفاني والخميرة



نخلط بملعقة خشب من تحت لفوق غير بالشوية
ندهن لي مول بالزبدة مليح ونرشهم بالفرينة ونحاول نحي زوائد الفرينة



نعمر النصف فقط
انا عملت في ليمول نتاع البابا
وعملت في مول مستطيل الكمية الباقية



نطيبهم على درجة 180
حتى ينشفو ويحمارو راهم ما يطولوش في الطياب




تحصلت على حبات صغار وكيكة كبيرة قطعت اشكال قلوب



والبواقي مررتهم في سيار لخشين باه نزين بيهم



التزييييييييييييين يرجع لذوقك حبيبتي
انا طلعت كرام شانتي بالحليب وقسمتها على زوج نصف درت فيه شوية نتيلا والاخر خليتو ابيض
اللي عملتهم صغار طليتهم بالنتيلا



ثم رمدتهم في في هاذوك البواقي اللي رحيتهم



واللي زاد فضل خلطتو مع الكرام شانتي اللي بالنتيلا وعملتو في لابوش ادوي وزينت بيه وردات في الوسط مع قطعة من الدقلة صغيرة



اما القلوب فزينتهم بالكرام شانتي البيضاء وردات صغار على كامل السطح ورشيت الكاكاو وزينت بقطع الدقلة



وقدميها لعائلتك او لضيوفك بالصحة والهناء




صدقوني راهي قمة في اللذة
وما تتشبعش حقيقة طعم خيال
اروع مادلان ممكن تاكليه
في امان الله حبيباتي