اهلين اخي جليل
هههه وانت قلتها وقت لاقريب
شيء عادي اخي
لاقريب من علاماتها انسداد الانف وتكاثر الدموع
رايحة نشرحلك الحالة العادية للعين باش تفهم الحالة تاع لاقريب
شوف اخي جليل عند الانسان كاين زوج اجهزة للدموع وحدة تنتج الدموع appareil lacrymal sécrétoire وتتمثل في الغدد الدمعية glande lacrymales لي تحت الحاجب تقريبا وايضا لي في حافة الجفن او توال الرموش منعرفش نسميها بالعربية
هذي متهمناش
لي يهمنا هو الجهاز الثاني لي مسؤول على اخراج الدموع appareil lacrymal excréteur وتتكون من زوج ثقبpoints lacrymaux يخرجو الدموع عن طريقهم للقنوات الدمعية canalucule lacrymal sup et infولي يتلمو ويصبو في القناة الانفية canal lacrymal وايضا يهبطو للغدد تحت الحلق لو تلاحظ لما دير قطرات للعين مرات تحس بطعم مرارة رغم انك متناولتش القطرات وايضا تحس بلي نيفك خرج منو الماء
هذا لانو العين خرجاتو منها عبر هذا الجهاز
هذي الصورة رايحة تشرحلك بشكل بسيط كيفية انتاج واخراج الدموع
هذي الحالة العدية بالنسبة للحالة المرضية
لاقريب تاثر على الانف وبالتالي يحدث انسداد في القناة الانفية فتحتقن الدموع في العين ولما يمتل جيب الجفن يتسرب الباقي خارج العين لانو الجنفن السفلي صغير
وهكا نلاحظو ان العين تدمع بكثرة في لاقريب
ان شاء الله فهمتني اخي جليل