شوفو الغريبة لي خدمتها بثلاثة انواع المقادير كيلة سمن المدينة ندوبوها ونرجعوها للثلاجة تزيد تيبس + كيلة سكر قلاصي ولي ما تحبوش حلو تنقص 4 ملاعق +نطلعوهم مليح بالباتور حتى تولي كي الكريمة لمدة 20د +كيلة كاوكاو مرحي رقيق + م ك فاني + كيلة فرينة محمصة ونلمو الخليط بالفرينة العادية مش محمصة و نحطها في بابي فيلم ونخلوها فالثلاجة تبات والصباح نجبدها قبل ما نخدم ب 1 س و هدا هو سر نجاحها على ضمانتي وما تتخلعوش منها ادا كانت يابسة هههههههههههههههههههههههههههه اعجنيها شوية ترجع عجينة لينة ادا كانت طرية زيدي شوية فرينة واعجنيها نحلوها فوق بابي قلاص ونطبعها انا درت شكل هلال التقليدي وشكل وردة و ندهنها بالبيض ونديرو كاوكاو مدشدش و انا فالوردة زينت باللوز و جات هايلة والى الفرن وان شاء الله تعجبكم وتجربوها