شكرا لكل من زار صفحتي .................. نورتو الموضوع غالياتي 
أخت سوسو11111 ضحكتيني على مهتمة باللون نتاع الحساء المهم يكون الطعم مليح على العموم مافهمتش اللون كيفاش جاك هي الماجي تعطي لون شوية مائل للبرتقالي مع الاخضر يرجع مائل للبني بصح راني نشوف في الحساء نتاعي حتى انا اخضر 
بصراحة الماجي في الطعم بزاف خيرر من الجومبو
المهم قوليلي عجبك ؟
اختي فاطمة 1987 كل واحد وإمكانياتو صح بصح مانيش نشوف فيها مكلفة يعني قطعة جبن أبيض ب40دج + شوية فقط كامومبير هذيك الكريمة شريتها 100دج درت منها عدة مرات يعني المجموع مايجيش 100دج وماتنسايش الطبق مافيهش لحم يعني اقتصادي والشفلور راهو رخيس خلاص راهو الموسم نتاعو اما الجبن المبشور غير ضروري انا برك حبيت نزيدو
اقتباس:
المشاركة الأصلية كتبت بواسطة هند11
اممممممممميعطيك الله يعطيك الصحة
|
اقتباس:
المشاركة الأصلية كتبت بواسطة هند11
راني جربت مطلوع تاعك خرجلي روعة اختي اعطيني طريقة تاعك في دجاج محمر مع البطاطا كاش عندك اطباق تاع الفول ربي خليك للمنتدى
|
أولا مشكورة على الثقة وبصحتكم المطلوع
الجاج المحمر السر نتاعو :
* ماتكثريش التخربيط يعني توابل وتخلاط فيه مايحتاجش بزاف توابل باش يجي بنين يحب غير توابل عادي: ملح طثري شوية يحب الملح باش يبنان+فلفل أسود+ثوم بودرة+ثوم مرابي+غذا حبيتي تزيدي شوية هريسة +فلفل احمر بودرة حلو او حار فقط
*ديريلو التوابل قبل بنص يوم او يوم وخليه في الثلاجة تشوفي يرجع بنين يهبل 
* نسيت نقولك ثاني خلطة التوابل ديري معاها شوية زبدة ماشي زيت وتحكي الجاج مليح الزبدة تعطيلو طراوة روعة وبنة والجلد يتحمر مليح ويجي مقرمش
* انا نحب ندهن صينية الفرن بشوية زبدة باش مايلصقش ونصب كمية قليلة جدا ماء في قاع الصينية حوالي نص كاس برك ونحط قطع الجاج ونغطي بورق ألمنيوم وندخلو للفرن كي يكيب نحي ورق الالمنيوم وشعلي الفرن من فوق باش يتحمر الجاج يخرج روعة
حقة حتى لو ماشي رايحة تحمريه داويه هكذا وخبيه في المجمد او كيبي بيه مباشرة يجي بنين يهبل وحتى الداند ثاني يجي هكذا بنين
الفول مانحبوش بزاف نشريه نلوحو في العيش او نحب ندير بيه بربوشة المفور نتاع القبايل نموت عليها راني حطيت الوصفة ونديروه ساعات طبق بنفس طريقة اللوبياء الخضراء يجي ثاني بنين نديروه باللحم او الجاج.
ام كاميليا شرف ليا يكون عندي نفس أفكراك في الطبخ ............... تحياتي 
ملوكة ياموصيبة نحبك خلاص مانزيدش نحط مواضيع وحكي وإن شاء الله يثبتولك ياسيدي 
اقتباس:
المشاركة الأصلية كتبت بواسطة nourtazmel
راني جربتها وجات هايلة ربي يحفظك لهومة انت رائعة جدا وكل الكلام قليل عليك
|
فرحتيني بزاف بزاف ماتتصوريش .......... مشطورة اختي على الثقة في وصفتي وبصحتكم
اختي أرزاق نشري الحنة من عند حانوت التوابل اللي من وراء المارشي نتاع 1014 ياخي من وراء المارشي من جهة البناية العالية نتاع الزجاج هذيك الزرقاء كاين حوانت وكاين باركينج كاين حانوت نتاع توابل لثمة نشري من عندو ثقة بصح اذا خفتي أشريها ريش وارحيها وحدك
أخت ضحى رديت عليك في رسالة خاصة