[Wallker]

المشاركة الأصلية كتبت بواسطة عمر الفاروق 27

بسم الله الرحمن الرحيم
السلام عليكم و رحمة الله و بركاته،

خاوتي أنا طالب جامعي وصلني أمر استدعاء كطالب ضابط احتياط لصالح المدرسة التطبيقية للنقل و المرور بتلمسان و راني مستعد نفسيا باش نروح نفوتها، المهم مين رحت نسحب الاستدعاء تاعي من مقر فرقة الدرك الوطني لقيت باللي رسلوا لشقيقي الأصغر أمر استدعاء مرفوق بأمر التحاق حيث أن شقيقي الأصغر من مواليد 1994 ذو مستوى دراسى رابعة متوسط و خلال السنتين الأخيرتين عانى من مرض عصبي أو نفسي ما راح لشحال من عند طبيب و اختصاصي و شرب شحال من دوا و الحالة تاعه خطرة يكون مليح كاللي ما كان والو و خطرات يتهلوس و يولي يعاني من عدة هواجس،
المهم خاوتي غير هو ما نستحملوش يروح يفوت العسكر خاطرش ما زال هش نفسيا رغم أنه يظهر طبيعي و كون يعرضوا علي يقولوا لي فوت عامين عام ليك و عام ليه نفوتهم بكل فرح و سرور.
خاوتي انصحوني كيفاش نتصرفوا في هذه الحالة باش يجيب الإعفاء؟
يروح يخاطر يركب و يدي معاه الملف الطبي؟ و هل عنده حظوظ مليحة باش ينال الإعفاء؟ و إذا كنت أنا مجند هل هذا الشي يساعده باش يُعفى؟
و في حالة ما ركبش كون يسجل في التكوين المهني ينال التأجيل؟
خاوتي ثقلت عليكم بالأسئلة سامحوني بصح راهي حالة مُستعجلة بارك الله فيكم.

وعليكم السلام ورحمة الله وبركاته.

أخي الكريم ربما ليس لدي الخبرة الكافية أو الحل المناسب لحالة أخيك شفاه الله وعفاه، لكن أن أحثك وعائلته أن تبذلوا قصار جهدكم كي تحولوا دون ذهابه،
يا أخي هم لا يهمهم الأمر، لو أخوك ذهب مثلا وساءت حالته أو حصل له مكروه لا قدر الله، فليكن في علمك أنكم ستعانون لوحدكم سيرجعونه لكم مثل السلعة التالفة، نحن نعرف هذه البلاد جيدا ونعرف كيف تسير الأمور، أنظر فقط معطوبي الجيش، معطوبي العشرية السوداء، المتوفين أو المعطوبين في الخدمة العسكرية من لهم أو كما نقول بالعامية شكون ليهم كي راحت صحتهم ولا ماتوا، اذا أخوك مريض فعلا كما تقول فأقيموا الدنيا وأقعدوها حتى لا يذهب، أناس أصحاء يتهربون ويتنصلون، الآن هذا مريض هو الأولى بالتهرب والتنصل,
على كل حال أنا أدعوك لسلوك الطريقة القانونية للحصول على الاعفاء لسبب طبي، فلتراجعوا أطباءه النفسانيين السابقين، حاولوا الخروج بوثيقة طبية تثبت أنا هذا الشخص غير مستقر نفسيا و هو في فترة التعافي وحالته النفسية هشة غير مؤهلة لأداء الخدمة الوطنية,

الله يشافيه والله يسهل لكم الحصول على الاعفاء,