اقتباس:
المشاركة الأصلية كتبت بواسطة rami09
السلام عليكم
طولو علينا بزاف يا خاوتي و الله ما حق عليهم ، نتمنى كون يبرروا هاد التأخير ....
كيفاش تعرف بلي راك مقبول ؟
و أنا طالب سنة ثانية إنجليزية في الجامعة ، إذا قبلوني بمشيئة المولى (عون) ، حاب نعرف نقدر نكمل قرايتي في اليومين تاع الراحة هادوك ؟
+
سمعت بلي زادولهم فالأجر : 4ملاين سنتيم كاين منها ؟
و مشكل الخدمة العسكرية يتحل و لا إجباري تفوتهم ؟
إن شاء الله فيها خير للجميع |
---------------------
وعليكم السلام
ان شاء الله تنجح
اديها من عندي نصيحة ورايح نجاوبك بكل صدق
طول بالك بزااف سيرتو في هذا الكور لي رايح تدخل ليه
اولها تتعب مورال من كثرة القيل والقال وكلام في الريح
ومصطلحات راهم قالو وسمعنا ورايحين يديرو والنهار والشروق
يعني لا شيء رسمي
نولي لاستفساراتك
ايه خويا تقدر تكمل قرايتك وتقرا ولا تخدم في اليومين راحة وكاين حتى 4 سوايع تخرج تقرى لي تيدي تاعك
حتى ونتا خدام تدير طلب في ورقة وتخرج عادي واحد مايحوس عليك
+ قضية الخلاص 4 ملاين ماكانش منها طووول كيما قتلك قبيل قالو غير اخطيك منها من ضرك
وراح تهبل بيها خاصة في السطاج
العون جديد يخلص 3 ملاين وخمسين الف فقططططططططططططط
الخدمة الوطنية مازال للآن يقولو نسولكم الوضعية ماكان والو + كون تدخل للحماية ماراحش تفوت العسكر هاذا هو المهم او واش نعرف
وبالتوفيق للجميع
ان شاء الله تنجحو ونعطولكم نصايح باه تفوتو السطاج
كيما نصحنا الخاوة العام لي فات