وصفة بيشاميل قليلة الدهون زينب83 2 كاس حليب خالي او قليل الدسم و ممكن نديرو كاس حليب و كاس مرقة دجاج منزلية أكيد بدون دهون ، 2 ملاعق فرينة، بهارات ،ان نستعمل فلفل ابيض و جوزة الطيب و ثوم مجفف و ملح و ساعات نزيد بهارات اخرى على حساب الطبخة مجفف نخلط الفرينة مليح في السائل و هو بارد حتى يذوب مليح وان حطو على النار و لازززززززم نحركه باه ماجيش فيها الحبيبات ،حتى يبدى يعقد ونزيدو البهارات و ما نعقدوهاش بزاف يعني تكون شوي ساءلة، نحوها على النار و نخلطو بياض بيضة بسرعة ساعات نزيد نص كاس كريم فريش في الاول مع الحليب جي هايلة و ساعات نزيد فيها جبن مثلثات يذوب راهو كاين نوع la vache qui rit قليل الدسم ونفس الثمن تاع العادي إضغط هنا لرؤية الصورة بحجمها الطبيعي. هاو لحليب لي نستعملو و كي يكون ماكانش نستعمل هذا راهي ساهلة و سريعة و مات فرقش على العادية.