[CENTER] السلام عليكم أخواتي ................................................. أردت اليوم أقدم لكم طريقة طهي الحريرة في منطقتنا ملاحظة : الحريرة هنايا تنقصها عشبة معروفة عندنا باسم لحية الشيباني روعة [روعة تمد للحريرة مذاق صدقوني لا يعلى عليه[/COLOR] ......................... .................................................. ............. [SIZE="4"] نظرا لقدم الموضوع قريب سنتين و الصور لم تعد موجودة سأعيد تحميلها و ذلك لطلب الأخت ام سلمى البارحة 29 جويلية 2016 لتعم الفائدة للجميع [/SIZE] تفضلو الصور و سأشرح كتابيا أحسن في قليل من الزيت نقلي اللحم مع الخضر من بصل و جزر و بطاطا و طماطم حب و كرافس نقليهم مليح و نضيف طماطم مصبرة مع فلفل عكري و كليلة هادي معروفة عندنا ممكن الاستغناء عنها سانوج و حلبة و شوية كركم و زنجبيل هادو بكميات قليلة كيما في الصورة و من بعد نمرق و نخلي الخضر و اللحم يطيبو مليح و من بعد نقوم بفرز الخضر يعني نحيها من القدرة و نطحنها و الاحسن بالرحاية اليدوية ادا متوفرة اكيد و من بعد نرجع الخضر للقدر مع اضافة الدشيشة الي هي زرع مطحون رقيق ماشي خشين يعني ماشي بودرة لالا تجي حبيبات صغار شةفي الصورة ديري قيس مغرف و نص نتاع أكل برك ما تكثريش باش ما تجيش تقيلة الحريرة و نقوم بتحريكها و في نفس الوقت حضر الدرسة من ثوم و قصبر اخضر يكون مدقوق مليح في المهراس و نخلي حريرتنا طهى على نار جد هادية و ما نغفلش عليها مرة على مرة نقوم بخلطها راهي ما طولش في الطياب ضيفي قيس مغرف قهوة قرطوفة و نفسها أزير الابل هادو معروفين عندنا خلطي ا و طفي على الحريرة هادي نقطة مهمة باش ما يتلقوش المرورية في الحريرة والي ماشي متوفرة هاد الاعشاب ماشي مشكل ضيفي مغيرفة كروية تعطيها بنة هايلة و بصحتك أبن حريرة مع اضافة الحرور الأخضر في الأخير للقدر يمد بنة كذلك خيال نتمنى نكون وفقت في الشرح أختي ام سلمى و اي سؤال تفضلي في أمان الله