السلام عليكم اخواتي الاعزاء اليوم حبيت نوريلكم حلوة الطرونية لكن من نوع اخر علابالي بلي تقريب كامل الاخوات يقولولي نعرفوها مي هذي مختلفة منطولش عليكم اليكم المقادير 6بيضات كاس سكر كاس زيت 3مغارف اكل حليب غبرة لويا من الافضل 2مغارف اكل لفاني+ بشور ليمون 3صشيات خمارة رطل ميزينة 2كيسان فرينة طريقة التحظير في وعاء تكسري البيض+السكر+لفاني وبشرالليمون خلطي مليح استعملي خلاط اليد فقط حتان يذوب السكر زيدي الزيت واستمري في التضراب ومن بعد الميزينة ثم الفرينة اعزائى متتخلعوش لما تشوفو لبات جارية غطوها بالبلاستيك وخلوها ترتاح ليلة كاملة شوفي الخليط كيفاش يكون وفي الصباح تلقايها بهاذ الشكل تصيبيها نشفت تماما وتقدري تشكليها بكل سهولة وهنا نفهمكم في الطياب نتاعها لازم تشعلي النار من فوق ومن تحت وهاذا هو السر باش تجي بهاذ الشكل نار متوسطةطبعا وعسيها راهي متخذش وقت كثير احبابي نوصيكم تجربوها علا بالي تعجبكم دعواتكم ....وربي يجازي لي علمتهالي متنساوش تدهنوها بالبيض وترشوها بالسكر كما في الصورة