السلام عليكم
مرحبا بيك أختي فقسم البيولوجي أنا سنة ثانية بيولوجي فغارداية وأكون مسرورة بالإجابة على أسئلتك
بالنسبة للقرايا عادي كيما موالفا منقدر نقولك ساهلا مواعرا .. الناس يشوفوها واعرا سيرتو مع الفرونسي
مي أنا نقولك كون تحطي بالك برك وكون تقدري تحبيها راح تنجحي وتجيبي مليح إن شاء الله سيرتو قلتي أنك حابة تنجحي
يعني راح تحبي واش رايحا تقري وهدا السر فالقرايا كامل.. حاولي تستمتعي فواش راكي تقري واديري ...
بالنسبة للفرونسي .. لا شي عادي جدا .. فرنسية سهلة مش هديك المعقدة ..
راح تفهميها إن شاء الله وتوالفيها مع المصطلحات والكلمات الي كل مرة راح يتعاودولك حتى تحفظيهم لا اراديا.........
بالنسبة للمواد حنا العام الي فات كانو عدنا 6 مواد للفصل الأول: بيولوجي. كيمياء. جيولوجي.رياضيات.تاريخ ولغة فرنسية
والفصل الثاني :بيوحيوان.بيونبات.كيمياء2.فيزياء.ميتودولوجي ولغة فرنسية2 ..
قتلك أختي متتخلعي متقولي هدا واش وهدا واش ..علابالهم انكم مش عارفين السيستام الجديد من الليسي للجامعة
يعني رايحين يمشو معاكم وراح توالفو فسع وتنسو نظام الليسي ههههههه
بالنسبة لللي كور والتيدي والتيبي .. الكور تدي الدروس التيدي اطبقو بالتمارين برك والتيبي بالعمل فالمخبر
كاين مواد فيهم غير ليتيدي وكاين الي فيهم للزوج وكاين الي فيهم الكور برك مثل التاريخ والميتودولوجي
النصيحة: متخليش الدروس يتراكمو عليك .. تقولي رانيي فالجامعة ومعليهش من بعد نحل ولا غدوة ووو
يعني متأجليش عمل اليوم للغد .. متعرفيش وش رايح يطيح عليك من بعد ... والله صح شايفتها...
منيش نقولك لازم تحفظي كل درس درتيه وووووو الي قصدي أنو متخليهش يفوت قبل متفهميه كامل وتقدري تسكري عليه ونتي مطمنا
ممكن من بعد تنسيه معليهش مي قادرا كتولي فاهماتو مش ناقصك فيه شي كي تفتحيه تتفكريه فسع
عدي قداش من شي حابا نقولو مي علابالي كترت ياسر ههههههههههههه
ربي يوفقك إن شاء الله أختي
بالنسبة للدروس إن شاء الله راح نشوف الا نقدر نحط هنا نشوف وش عدي يناسبك ولا لا كنو أنا مكنتش نشوف فالميكرو
كان يكفيني وش ندي من الأستاد ومن النت كنبحت يعني لي فيشي جامي قريت ولا راجعت منهم ... كنو ديما نلقى فيهم شي خاطي قرايتي ووووووووووو
المهم بالسلامة ربي يوفقك