حميص الفووور روووووعة
فرشي قطعة من ورق اللومينيوم وحطي فيها فلفلة حارة وفلفلة حلوة وثلاث سنات ثوم بالقشور وحبة طماطم كبيرة وشكلي الالومينيوم على شكل صحن باش ما تتوسخلكش الكويزينيار وحطيه في الفرن لتحت خلاص يعني على قاعدة الفرن واغلقي الفرن وساعة ساعة قلبيه حتان يتشواو مبعد نحيهم وقشريهم وقطعيهم رقيق والثوم اكيد قشريه وحطيهم في صحن وملحيهم وضيفي الخل وزيت الزيتووون صدقوني ممممممممممممم ولي ماتحبش تفرش الالومينيوم ماتفرشوش تحط ديراكت على قاعدة الفرن وانا ضربت عصفورين بحجر واحد الارنوبة طيب الفوق والحميص تحت
ملاحظة اذا الطمطومة ماطابتش كي تنحي الفلفلات والثوم غلفيها بهذاك الالومينيوم ورديها طيب مليح
وشهية طيبة
وصفة ام تاجو الحبيبة راني غير نخدم معاها ههههههههههههههههههههههههههه