[سطايفية بكل فخر]

المشاركة الأصلية كتبت بواسطة bouchra hakerz

هكذا الحبات خاوتهم و حتى نفس المكان
و بالنسبة للطبيب بدلتو على خاطر صامط 3 اشهر و انا نشرب في دواوات اصلا مشريتهمش و علابيها بدلت الطبيب

حتى انا كي قتيلي عليهم شكيت بلي هوما لانو جينيرالمون هذا هو لي يصيب العين
اختي هذو راهو احد امراض العين واسمو شلازيون chalazion للاسف بالعربية منعرفش اسمو هو يصيب الجفون سواء العلوية او السفلية
سببهم انو الغدد الدهنية لي في العين (اسمها ميبوميوس Glande de Meibomius ) يحدثلها انسداد وبالتالي السائل الدهني تاع العين يتلم تحت الجفن ويسبب اما انتفاخ كامل العين او يظهروا هذوك الحبات
+
لعلاج هذا المرض ينصح المريض بوضع كماداء بها ماء دافئ يوميا مدة حوالي عشرين دقيقة على العين 3 او اربعة مرات مع تدليك خفيف للعين والكمادات الدافعة تقدر تذوب هذا السائل المتراكم
واذا ماذابوش الطبيب يمدلهم دواء وبوماد باش يذوبهم الدواء واغلب الحالات يذوبو
لكن مرات ميختفيوش نهائيئا وهنا تندار العملية الجراحية وهي مهيش صعبة وتفسد العين كيما قالك الطبيب لي رحتي ليه نصيحتي ليك روحي لطبيب واحد اخر وسويفي الدوا تاعو متستهزايش بيههم لانو قادرين ياثرولك على الروية لانهم يضغطو على قرنية العين وقادرين حتى يسبو مشكلة القرنية المخروطية
وننصحك بالكمادات وانت في فترة العلاج
ربي يشفيك اختي