السلام عليكم
أولا لمن لا يعرف المنطقة فهذا تقديم وجيز
ولاية الجلفة هـي من أكبر الولايات في عدد السكان فهي تحتل المرتبة الرابعة وطنيا بعد سطيف والعاصمة ثم وهران بسكان يفوق عددهم المليون بل ويقولون مليون و200 ألف
لا علينا
من المعلوم أن أكبر تجمع لهؤلاء السكان يكون في عاصمة الولاية " مدينة الجلـــفة " واللتي تحمل على ظاهرها أكثر من 300 ألف منهم
جيد
في مدينة الجلفة أحياء أكبر ها " حـي بوتريفيس " والذي يسكنه أكثر من 30 بالمئة منهم
وكل هذا " ملـــيح "
"حي بوتريفيس على كثرة سكانه وشساعة مساحته
فهو لا يحوي مركـــزا للأمن !!!!!!!!!
فانعدام الأمن وصل حد "سرقة المساجد" ففي الأسبوع الماضي "تمت سرقة " مسجدين بالحي وحاولة فاشلة لسرقة الآخر هذا ولم يحرك الأمن ساكنا
الحي يحوي مركز بريد وحـــــــيد!!!!!!!!
"دــيما حابسة الماشينة" أو " الدراهم ماكانش" بالتداول على طول العام
تخيلوا منذ بداية رمضان إلى اليوم " وهما رقود والشهرية طالعة علاه "الدراهم ماكانش" قالب صحيح"
الحي الذي يفوق سكانه الـ100 ألف فيه فرع بلدي وحــــيد!!!!!!!!!!!!!!!
هذا الفرع " حبس الخدمة هذي النهارات منا حتى 20 يوم " علاه ؟" يخدمو في السور البراني(السور المحيط بالفرع) هذي جدــيدة
وتخبلو انتم حال الساكن هنا
يحب يخرج الدراهم ؟ *********** يهبط للبلاد والا جلفة الجديدة
يحب يخرج ميلاد والا يقاليزي ورقة ؟ ************ يروح للوءام والا حي 100 دار
والمزيد المزيد !!!!!!!!!!!!!!
بعد هذا كلــه أنا نقول انو الحظارة مازال مالحقتناش هنا في الجلفة
ونضن أي مكان فيه هذي المظاهر مازالو ناسو في العصر القديم
واللي يقول العكـــس يقنعنــا باللي عندو
ملاحظــة : أنا جلفاوي .