السلام عليكم البنات، شفتكم حاصلين مع الكسرة درك نفهمكم
حنا الكسرة واحدها و المطلوع وحده
و الكسرة كاين ألي أجي يابسة و كاين ألي أجي شوية طرية، اليابسة أنديرو فيها السميد متوسط و الملح و زيت المائدة و نلموها بالماء و نطيبوها مباشرة و إذا حبيتوها أجيكوم مبسسة زيدولها شوية زيت زيتون، و الكسرة ألي تكون شوية طرية نديروا نفس المكونات و نزيدوا شوية خميرة الخبز و تطيب مباشرة و ما تخالوهاش تخمر و تطيب في طاجين الحديد
أما المطلوع كاين أنواع ، كاين الي يطيب في الكوشة و كاين في طاجين الطين و كامل تخليهم يخمروا مدة طويلة
إن شاء الله فهمتوا عليا