[*جوري*]

المشاركة الأصلية كتبت بواسطة اعتماد13

حنا في الغرب المطلوع نتاعنا ماشي كيما نتاع الشرق ، على هاذي قتلك الكسرة كيما يقولوها صحاب سكيكدة و قسنطينة باش تعطيني الوصفة بدقة ، ياك يديرو فيها الزيت ؟

ايه حنا كذلك نقولولها الكسرة و كاين اللي يديرها بالزيت و كاين مايديرلهاش
المهم كي عدتي تحوسي على تاع الزيت نعطيك الطريقة اللي نعرفها
ديري كمية من السميد من النوع الجيد حسب الحاجة عينك ميزانك و ديري الملح و شوية زيت و بسيها مليح و من بعد ديري الخميرة تكوني موجدتها من قبل مخمرة في ماء دافي و شوية سكر و من بعد زيدي الماء دافي للخليط بكميات قليلة و راكي تدلكي فيها حتان تتحصلي على عجينة طرية و ماتكونش تتلاصق و خليها تخمر و كي تخمر زيدي ادلكيها بشوية ماء و ادلكي مليح و من بعد عاودي خليها شوية ترتاح و من بعد قرصيها و ديريها خبزات و خليهم يطلعوا و وجدي الطاجين تاعك على خاطر تطلع هذي المرة بسرعة و كي تحسيها خمرت طيبيها و الصحة و العافية يجي طري و مزيت .