لامي الجريحة اشكو همي وحزني و قلة حيلتي و اهديها كلماتي علي ابث في اخواني نار الغضب فيهبو لنتكاتف و ننثر اغطية الفتن والاحقاد التي بيننا
عذرا احبتي ولكن بركان الغضب هو من يكلمني
************************************
وهادي كلماتي
***********************************
يا عارف النخوة وين راهي من لوطان
دورلي عليها و صحي لي الاخوان
واشحن لي لقلوب واشعل لي النيران
العراق و فلسطين غارقين في لامحان
*********************************
يا امة لعرب كوني من لبرار
ذكري صلاح الدين وجميع الاحرار
افلسطين دنسوها هادوك الفجار
لا للظلم قولوها سبحانو الجبار
*********************************
لميمة تبكي و تشكينا لستار
تقولو ياربي ماتو كل لبرار
اولادي تشتتو ونكرو حق الجار
اصبح همهم الدنيا وغرهم الدينار
*********************************
يا خسارة ما ولدتي يالميمة عذرينا
انتيا تبكي واحنايا شاردينا
انقولو اخطينا همهم ما يعنينا
وانسينا ...في انهار ايجي دورنا
*********************************
امريكا خانقتنا تجرنا من ارقابنا
واحنا فرحانين دايرينها سيدتنا
ارضينا بالذل و العار لامتنا
يا السامعين قولو وين راهي نخوتنا
***********************************
بحثت في كل امكان على النخوة يا خويا
قالو عني مجنون واسخر مني عدويا
وقالي حط لرحال و اتمتع امعايا
اياك ماهي ارضك خليك من الحنية
************************************
نعطيك من العز ما تمناه لامية
وما نطلب منك غير تخلص لي النية
تكون عندي عزيز ونقربك بحداية
وانهار اللي ما بغيت ثقب لي عينييا
************************************
هادي ياخويا قصة مروية
حزت في قليبي و كرهتني في الدنيا
هوما هناك تحرمو من حب الذرية
و احنا عايشين حياتنا دايرينها تسلية
************************************
اعينوني ولو بالصلاة على خير البرية