السلام عليكم و رحمة الله و بركاته
اولا .. انت علاش ما تبدايش بقصة و تثري الموضوع انتاعك
كيما قلتي انت : كل انسان في هده الدنيا يقوم بافعال قد يندم عليها
و انت إنسان ... في انتظار مشاركتك .. و السماح
كاين بزاف صوالح الواحد نادم عليهم
و أولهم مقصرين في حق ربي بزاف بزاف ...
ربي يهدينا و لن تهدي من احببت ....
و اسمحولي انا نقلب الهدرة 380 درجة
يا اختي راك حابة تقلبي علينا المواجع و تفكرينا في زمان و يا حصراااه
ما عليه ... انا بلاك قلتها لواحد او اثنين فقط
مي اليوم نقولها ليكم دون التطرق للتفاصيل
يا ربي سامحني و اغفرلي
انا ندمت و فرطت بزاف في حق انسانة ...و ظلمتها .. و عرفت قيمتها كي فقدتها
و على بالي مانلقاش وحدة تحترمني و تحبني و تعزني كيما هي يا لو كان نعيش الف سنة
مي راه ربي عالم .... ماشي بيدي و ماشي بلعاني يصرى هذا الشي
انا على بالي و مـتأكد بلي راهي مسامحتني على خاطر قلبها ابيض
كانت تقلي يا محمد :
الجرح يبرى مي المارة تبقى
انا المارة و حبيتها تبرى
تقدري تقولي بلي انا اليوم راني نادم على واش فات عليا معاها
مانيش نقصد في وقتي معاها .. نقصد اني ..
فرطت فيها .. كانت من يدي هاذي ليدي هاذي
كانت غير واش نقول انا .. ربي يحفظها
مي انا و الله و الله و الله ما على بالي كيفاش حتى صرى هذا الشيئ
انا اللي نتمناه من ربي انو يغفرلي و يسامحني و هي تاني يسامحها
و ربي يهنيها و يحفظها و ان شاء الله راهي بخير
و اسمحولي خاوتي و يا ربي راني صايم ما حقيش نحكي هاكا
و صحة الشريبة اختي و خاوتي
و السلام عليكم و رحمة الله و بركاته