[حمـ 0418 ــزة]

السلام عليكم
انا ثاني يعجبوني البوقالات
تذكرني بجدتي حفظها الله
لكن للاسف لم اكن تلميذ مجتهد ولم احفظ عنها تلك البوقالات الا كلمات


على كل حال يكثر خير غوغل و اليكم بوقالات منقولة

باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
وحكمتكم : بئس الطعام الحرام

**********
باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...
لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.
و حكمتكم :تجنب شؤم الهزل ، و نكد المزاح.

**********
باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...
طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .
و حكمتكم : ثمرة العلوم العمل بالمعلوم.

**********
باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
و حكمتكم : جد بالكثير ، واقنع بالقليل

**********
باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
و حكمتكم : الحازم من كتم سرّه

سلام

السلام عليكم

في الاول تعمد النتهاء ببوقالة تنتهي بحرف الحاء "حمزة"


وهذه للحرف ميم " مريم"

باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...
سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .
و حكمتكم : المشقة كلها في تأديب الجاهل

اتمنى تخرج عليك

سلام

المشاركة الأصلية كتبت بواسطة azarthee

السفينة اللي جات

باش أنكافيها

باللوز والسكر

نطعم غاشيها (أي ناسها)

وبالزباد والعطر

نطلي سواريها

ونطلب ربي العزيز

للحج يدّيها

__________________
من اقوال الإمام الشافعي

إذا المرء لا يرعـاك إلا تكلفــا--فدعه ولا تكثر عليه التأسفــــا

ففي الناس أبدال وفي الترك راحة -- وفي القلب صبر للحبيب ولو جفـا
فما كل من تهـواه يهواك قلبـه -- ولا كل من صافيته لك قد صفــا
إذا لم يكـن صـفو الوداد طبيعـة -- فلا خيـر في ود يجيء تكلفـــا
ولا خير في خِل ٍ يخـون خليـله -- ويلقـاه من بعـد المودة بالجـفـا
وينـكر عيشا ً قد تقـادم عهـده -- ويظهـر سرا ً كان بالأمس قد خفا
سلام على الدنيا إذا لم يكـن بها -- صديق ٌصدوق ٌصادق الوعد منصفا

بارك الله فيك وجزاك خيرا على هذه البوقالة
سلام

السلام عليكم

انوى و اقرى



علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .



سلام



انوى واقرى


في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف
************
جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .

************
أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .

************
يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .

سلام

************

المشاركة الأصلية كتبت بواسطة azarthee

هذي في خاطر العضو الذي يدخل الصفحة :

" للة يالاة ياريش النعام يلي مربية في القطيفة والرخام ملي شفتك وعشقتك مابقالي منام"
هههههههههههه شابة هذي !!! هههههههههه
واقيلا دوك يدخل حمزة ولا شكون ؟

راهو ادخل حمزة



ههههههههههههههههههه

شابة هذي البوقالة رعلى حسابها راني روميو


بارك الله فيك وجزاك خيرا على هذه البوقالة


سلام