[مريم الصابرة]

السلام عليكم اخي الكريم اتمنى ان تكون بخير أنت وكل العائلة الكريمة
أسئلة مهمة اتمنى ان أوفق فالرد عليها

التعليم و المدرسة الجزائرية :.....
والله من نهار راح عمر ودخل في مكانو رضا راحت القرايا

الصحة و المستشفيات :.......
ههههههه ضحكتني اكتب المرض والمستشفيات تدخل داوي تولي مريض

البلدية :.......
حكم ملكي من المير حتى العساس كلهم لقب واحد

البريد:.........
كي تعول تخلص لازم تروح من الفجر ودير الدالة وإنت وزهرك الميكرو خاسر او الدراهم ماكانش

النقل:......
هو الوحيد اللي فيها 10 روائح

الأسعار:.....
كل ما يزيدو الشهرية يطلعو الأسعار
وراك عارف رانا كالمعيز البطاطا ب 100 ألف نشروها ما نقولوش لالا

الاخلاق في الشوارع :........
الاخلاق تكتسب من الشارع وتروح بها للدار

الشباب و المعاكسات :.....
الله غالب هذا واش بقالهم حبيتهم ما يعاكسوش محمد ماكانش الخدمة

الفتيات و التبرج :.....
قول التبرج والفتيات هو راه مخلوع فيهم راك عارف كنا نقراو في صبورات كبار ونلونو كامل الألوان توحشناهم ذوك اليامات رانا نديرو فيهم في وجوهنا

الالتزام بالدين و ايضا التستر بالالتزام : ........
والله كل واحد يقول انا ملتزم ونعرف ربي المهم نحكي على نفسي انا المهم نستر نفسي وحجابي اللي في قلبي بيني وبين نفسي المهم فالشارع ما نفتن حتى واحد

التكنولوجيا و الجيل الصاعد :......
هذا جيل طائر الحمد لله في بلادنا اطفال نتاع 5سنوات عندو فايس بوك شفت رانا مطورين حالة

التجارة و نوعية السلع والخدمات :
التجارة في بلادنا كيانة نشرو كل شي ونبيعو كل شي رانا قريب نلحقو الصينيين ههههه
الخدمات فور تهدر مع واحد يبغي ياكلك كاين خدمة احسن من هذي

أخيرا بلادنا و الاخطار الخاجية
هذي اللي رانا خايفين منها يصرانا كي سوريا ونتباعو ب 500 ألف كيما هوما
شكرا نتمنى راني جاوبتك تحياتي وربي يوفقك حيثما كنت