حابة نفهم علاه تحطو صور طبخاتكم و ما تحطوش الوصفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ و تكتبو "اذا عجبتكم ردو و راني نحط الوصفة لاحقا " و تخليو البنات كل شوي يرجعو لموضوعكم يحوسو على الوصفة و كانهم فارغين شغل هذا منتدى اساسو الوصفات لي ماشي حابة تحط الوصفة او حابة تجيب اكبر قدر من طلبات الوصفة في الردود ما تحط والو . و اذا شفتي الوقت ما يكفيكش باش تحطي الوصفة و الصور معا انتظري حتى تعودي فارغة شغل. لانو حتى لو ماهوش قصدكم راكم تزعجو و انا شخصيا شفت في عدد من الاقسام نفس الحكاية و انزعجت لاني كل دقيقة نرجع للموضوع نحوس على الوصفة . عذرا اذا تجاوزت الحدود لكن كل هاذ الشي للرقي بالمنتدى . و نذكر انو الطباخات لي هنا كامل همهم الوحيد افادة القارئ اكثر منه جمع الردود . وحاجة نبهتني ليها الاخت ام ماجد و هي كي يكون موضوعك منقول : اكتبي بلي راهو منقول باش واحد ما ياكل حق واحد مع احتراماتي