السلام عليكم ورحمة الله تعالى وبركاته
احم احم
والله موضوع روعة
خاطر كاين بزاف ناس يقولوا واش راه داير الرئيس
امالا حبيناهم يقولونا مادا كانوا ليفعلوا لو كانوا مكانه
خاطيني سياسة بصح
ساقول رايي في الرئاسة
وما اوده ان يكون اساسا بها :
1- طرد كل مغترب على البلاد من شناوى وغيرهم ..ونقول لولاد البلاد كاين الخدمة
اخدموا بلادكم ومن بعد شركوا فامكم ..لا اقصد الاهانة ولكن من عمل بجد اكيد ما راحش يشرك فمه
واللي راه الان يقول ماكاش الخدمة نشوفوه يوم تكون كاينة واش يدير !!!...
مع رفع الاجور...
2- تغيير الساحة الوزارية
يعني اقترح نديروا امتحان
ويشاركوا فيه طلاب الجامعات بتخصص السياسة ..
ماعلاباليش انا بصح ادا كنت رئيس اكيد راح نعرف مجالات التخصص لكل وزير
واللي يستاهل يقعد في بلاصتوا ..
واعتقد يومها كامل راح يكونوا طلاب
خاطر الناجح يومها هو من يورينا شطارته
ويحكم البلاد
3- تشديد عقوبات السجون ....
وعدم السماح في اي حق من حقوق الدولة
4- ندير اعلان في الانترنت والجرائد على اساس انني لست رئيس
بعنوان : من الاوفى
وبالانترنت اكيد راح يكونوا ناس يحبوا البلاد
وراح في منتديات نخبر عن اي شخص دار حاجة في منطقت العضو المشترك
وراح نقرا كل التهم الموجهة
وندير عليها تحريات ان صدقت ام لا
ونعاقب المعني
وادا راى الشعب دلك في اصحاب القمة
وكيف تمرمدوا بسبب رشوة او ربا او ....
اكيد الشعب راح يقلل من هده الاعمال المخزية
وبشوية بشوية راح تنقرض
اه : ندير دعوة في التلفاز..
اللي يخبر على اي شخص ارتكب جرما ولو بسيطا
يعني الاول من يوصل الخبر بالانترنت
راح تكون ليه مكافاة
والناس يحبوا المكافاة
وحتى واحد ما يخاف على روحه يطير من منصبه
ان قال الصدق اكيد
لان شعار المشروع راح يكون
عدل ومساواة بين كل الشعب
5- تشجيع الطلاب على الابداع والوصول الى الاعلى دوما
ودلك بجلب افضل الاساتدة من الخارج
باجور رفيعة
وسيكون دلك مؤقتا وفقط
لانه بعد جيل فقط سنعتمد على اولاد البلاد
لتدريس افضل الدروس
وبنفس الاجور
6- المشي في سبيل الله
لان الحياة لا تهمني
ان كنت اشرب واكل واعيش
اي حاجة اوصاني بها ربي
ستكون اساس حكمي
7- في 7 راح تكون 8 و 9 و 10 و....
لانني يومها راح تبانلي افكار اخرى
واليوم كدلك عندي افكار كثيرة
تخلي بلادي تطور اكثر واكثر
لن اقولها لانني لا اود رجوعي الى الاحلام ...!
فهنا لا اعتقد ان احدا سيسمع بي
او بافكاري
اعرف انه بهدا الموضوع قد تهدى ناس الى الطريق المستقيم
ولكن ....!
ماعساي احلم اكثر!
شكرا على الموضوع اخي
وعلى افكارك الرائعة التي ابديتها برئاستك
تحيتي
سلاااام