الجزائر و فرنسا صاريلهم كيما الضراير معنتها مايقدروش يبعدو على بعضاهم و مايقدروش يقربو من بعضاهم لانو محكومين براجل واحد.الي راني نشوف فيه انو على قدما نكرهو فرنسا و نكرهو واش دارت فينا غير نخممو في الفيزا نخممو في فرنسا و حتا الي عندهم الدراهم كابسط مثال يفوتو العام الجديد على حساب واش يقولو في باغي .اقتصادنا لاصق فيهم قوانينا داينهم من عندهم .العطلات تاعنا تقريبا ندوها معاكم كيفكيف ونقولو نكرهوهم واش من كره هذا .انا الزيارة ماحسيتهاش اصلا لانو مايهمني لاهو و لا غيرو و ماشي هو اول رئيس يجي لعندنا مي هذا الاحتفال و الاستقبال الرائع و الصورة هاذيك و الشوشرة الاعلامية الكبيرة ماجاتش صدفة كل حاجة راهي محسوبة. العلاقة بين الجزائر و فرنسا علاقة غريبة كون جات كيمياء بلاك كون فهمناها